Pakɔsje 52:3 - Maktub gə́ To gə Kəmee

³ I gə́ njebeelé lé see gelee ban ɓa i ti rɔi dɔ meeyèr’g ləi bèe wa. Meemaji lə Ala to saar gə no̰ ya.

Pakɔsje 52:3 ပူးပေါင်းရင်းမြစ်များ

Pakɔsje 62:4

See ndɔ gə́ ra ɓa seḭ a kəwje kḭ kɔmje na̰ dɔ dəw’g lé wa. See ndɔ gə́ ra ɓa seḭ lai a kəwje kḭ saŋgje loo mbata kṵdáje Kareje to asəna gə ndògo-bɔrɔ gə́ to podé lé Esé asəna gə ŋgalaŋ gə́ unda naŋg bèe lé wa.

Gosota-Kəmkàrje 21:10

Dəw gə́ njemeeyèr lé ndiŋga néra gə́ majel, Lée’d kuramaree ya kara yeḛ oo kəmtondoo ləa el.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 9:8

Njesigənea̰ pana: See m’a kar bo̰ néra dee ɔs ta dee’g Gə mbata néje neelé el wa. See ginkoji dəwje gə́ togə́bè lé M’a dal ba̰ dɔ dee’g el wa.

Misee 3:2

Seḭ ə̰jije néra gə́ maji lé bəḭ-bəḭ Ndá né gə́ majel ɓa seḭ ndigije, Seḭ tusuje ndar dəwje ləm, Seḭ tɔrje dakasrɔ dee dɔ siŋga dee’g ləm tɔ.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

2 Timote 3:4

D’a to njéko̰ juma̰je ləm, gə njéra né gə́ gasəraje ləm, gə njéti-rɔ dee mugugu-muguguje ləma, d’a ndigi mal néje lə dee-deḛ unda Ala ləm tɔ.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.