Pakɔsje 52:1 - Maktub gə́ To gə Kəmee

¹ Pakɔs lə Dabid gə́ ar bao-pa mba karee ɔs sə dee lé.

Pakɔsje 52:1 ပူးပေါင်းရင်းမြစ်များ

Pakɔsje 10:7

Tajikil ləm, gə ta sukəmloo ləma, gə kərgoso ləm tɔ rusu təa tub-tub, Ta lèbè kəm dəwje gə ta néra gə́ kori-kori rusu gel ndəa̰ tɔ.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 107:1

Pidije Njesigənea̰ mbata yeḛ to njemeemaji, Mbata meekɔrjol ləa lé to saar-saar gə no̰.

Pakɔsje 54:3

Ǝi Ala, maji kari ajim gə goo rii gə́ ɓar ləm, Maji kari ra rəwta ləm gə goo siŋgamoŋ ləi ləm tɔ.

Pakɔsje 59:7

Kàrkemetag gə ndɔje kára-kára lai lé deḛ tel ree Deḛ ra né meḛ dee’g ŋgɔg-ŋgɔg to gə́ bisije bèe Gugu ne dɔ ɓee-boo lé sub ya.

Pakɔsje 7:14

Ɓandaŋ gə́ yeḛ wɔji ne dəw ɗig-ɗig lé To ɓandaŋg gə́ ka̰ yoo ləm, Yeḛ ar kandə ɓandaŋg ləa taa pər bilim-bilim ləm tɔ.

Pakɔsje 94:4

Deḛ pata pəd-pəd ləm, Deḛ pata ti ne rɔ dee ləm tɔ. Deḛ lai gə́ to njéra némajelje lé D’ɔs gaji rɔ dee tɔ.

Teḛ-Raga 22:9

Ɓó lé dəw ar maree mulayḛ̀je əsé maŋg əsé badə əsé nékul gə́ ban-ban ɓa mba karee ŋgəm aree ɓa nékul neelé wəi əsé təd barkəmrea əsé igi yɔm ar dəw kára kara oo gée el ndá,

Gosota-Kəmkàrje 6:14

Néra gə́ kori-kori to dɔɓəŋgəree’g ləm, Yeḛ la̰ji tor néra gə́ majel mée’g ta-ta ləma, Yeḛ to njekɔs gel takɔl na̰ ləm tɔ.

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Jeremi 41:4

Ndɔ gə́ njekɔm’g joo goo tɔl gə́ yeḛ tɔl ne Gedalia loo gə́ dəw kára kara oo taree el ɓəi lé ndá

Jeremi 9:8

Njesigənea̰ pana: See m’a kar bo̰ néra dee ɔs ta dee’g Gə mbata néje neelé el wa. See ginkoji dəwje gə́ togə́bè lé M’a dal ba̰ dɔ dee’g el wa.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Njé gə́ Rɔmə 1:30

Deḛ to njéndo̰-gwɔs dəwje ləm, gə njétədtaje ləm, gə njékɔs Ala rəwje ləm, gə njékəmtɔgje ləm, gə njébeeleje ləm, gə njéti rɔ deeje ləm, gə njétum gel néyèrje gə́ sigi ləm, gə njékɔs ta lə njekoji deeje rəw ləma, kəmkàr godo rɔ dee’g ləm tɔ.

2 Timote 3:2

Mbata dəwje d’a to kəmkəjimje’g ləm, gə ɓərje lə lar ləm, gə njébeeleje ləm, gə njéti rɔ deeje ləma, gə njékilandɔl dɔ loo’gje ləm, gə njékɔs ta lə njékoji deeje rəw ləm, gə njénərnéje ləma, gə njékila ndɔl dɔ néje gə́ to gə kəmee ləm tɔ.

1 Samel 21:7

Yen ŋga njekinjanéməs lé aree muru gə́ d’unda gə kəmee lé mbata muru gə́ raŋg godo. To muru gə́ to gə kəmee gə́ d’un no̰ Njesigənea̰’g gə́ raŋg gə mba kar yeḛ gə́ nuŋga mee ndəa’g neelé taa toree.