Pakɔsje 51:18 - Maktub gə́ To gə Kəmee

¹⁸ Ɓó lé i ndigi kam m’inja nékinjanéməsje m’ari ndá M’a kinja kari ya, Nɛ nékinjanéməsje gə́ roo lé taa kəmi el.

Pakɔsje 51:18 ပူးပေါင်းရင်းမြစ်များ

Nehemi 2:17

Yen ŋga m’ula dee m’pana: Seḭ ooje kəmtondoo gə́ j’isi danee’g gaw ya. Jerusalem tuji ləm, pər o̰ tarəwkɔgje ləa ləm tɔ. Gə́ reeje ar sí j’undaje ndògo-bɔrɔ gə́ Jerusalem lé gogo, bèe ɓa rɔ sí a kul ne el tɔ.

Pakɔsje 102:16

Yen ŋga ginkoji dəwje gə raŋg d’a ɓəl ne ri Njesigənea̰ ləm, Mbaije lai gə́ dɔ naŋg neelé kara D’a ɓəl rɔnduba ləi lé ya ləm tɔ.

Pakɔsje 147:2

Njesigənea̰ lé tel gɔl Jerusalem aree to lée’g gogo ləm, Israɛlje gə́ sané kad-kad lé Yeḛ tel mbo̰ dee dɔ na̰’d keneŋ ya ləm tɔ.

Pakɔsje 25:22

Ǝi Ala, maji kari ɔr Israɛlje Dan néurtije’g lə deḛ lai ya!

Pakɔsje 40:7

I lé ndiŋga nékinjaməs əsé nékar el, I ɓa kɔd mbim ila tag ya, I dəji nékinjaməs gə́ ka̰ roo əsé nékoga-kaiya el.

Pakɔsje 69:35

Maji kar naŋg gə dara gə baa-boo-kadje Gə néje lai gə́ to keneŋ lé d’ɔs gajee!

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Esai 62:1

Gə goo kunda gə́ m’unda Sio̰ dan kəm’g lé ɓa M’a si ne dɔ mundu el ləm, Gə goo kunda gə́ m’unda Jerusalem dan kəm’g lé ɓa M’a kwa ne rɔm nda̰ el ləm tɔ Saar kar kaji ləa teḛ To gə́ kàr gə́ uba kuji’g bèe ləm, Saar kàr kɔr dɔ kúla’g ləa teḛ Asəna gə pərŋgel gə́ ndogó bèe ləm tɔ.

Jeremi 51:50

Seḭ gə́ teḛje ta yoo-kiambas’g lé Awje ɓó ɔsje gɔl sí naŋg gèŋ el! Loo gə́ seḭ síje dɔ naŋg gə́ əw lé Arje meḛ sí olé dɔ Njesigənea̰’g ləm, Arje meḛ sí to dɔ Jerusalem’g bururu ləm tɔ.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Misee 6:7

See bàl badje gə́ bula digi-digi ləm, Gə ubu gə́ ula kəŋgəŋ-kəŋgəŋ ləm tɔ lé A taa kəm Njesigənea̰ wa. See m’a kun ŋgondərm kuga ne dɔ kal gə́ m’al dɔ godnduje ləm, Gə ŋgan meemje kuga ne dɔ kaiya ləm ləm tɔ wa.

Misee 7:11

Ndɔ gə́ d’a tel kunda ndògo-bɔrɔje lə sí gogo ndá Mee ndəa’g neelé d’a kila kəm-rəw-nimje lə sí dɔ maree’g.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Njé gə́ Epesə 1:5

Yeḛ kuma̰ sí ne mée’g gə goo kunda gə́ yeḛ unda sí dan kəmee’g lé mba kar sí n’toje ne ŋganɓaaje ləa gin Jeju Kristi to gə́ mée ɓa wɔji lé.

Njé gə́ Epesə 1:9

Yeḛ ar sí n’gər ne né gə́ mée wɔji gə́ to loo-kiya’g gə goo némeemaji gə́ yeḛ nja wɔji-kwɔji mba ra lé ɓa

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

2 Njé gə́ Tesalonikə 1:11

Gelee gə́ nee ɓa, jeḛ n’ra ne tamaji ta-ta mbata lə sí mba kar Ala lə sí ar néra sí wa bua ɓar gə́ yeḛ ɓar sí ləm, mba kar mbɔl dɔ siŋgamoŋ ləa ɓa némeemajije ləa lai gə́ yeḛ wɔji-kwɔji ra lé a kɔr dɔ njal ləma, meekun lə sí a ra née karee ɔr ne njal ləm tɔ.