Pakɔsje 51:11 - Maktub gə́ To gə Kəmee

¹¹ Maji kari un kəmi dɔ kaiya ramje’g rəw ləm, Tuji néra kori-korije ləm lai ləm tɔ.

Pakɔsje 51:11 ပူးပေါင်းရင်းမြစ်များ

Gḭ-Néje 4:14

Aa oo, ɓogənè i tubam dɔ naŋg nee. I a k’un kəmi rəw dɔm’g ləm, m’a to njekaḭta ləma, gə njekilatar mbir-mbir dɔ naŋg nee ləm tɔ. Bèe ɓa nana ɓa gə́ a kiŋgam lé a tɔlm ya.

Gḭ-Néje 6:3

Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

2 Samel 7:15

Nɛ m’a kya̰ goo meemaji ləm gə́ wɔji dəa to gə́ m’ya̰ ne goo ka̰ Sawul gə́ si nea̰’g bèe lé el.

2 Mbaije 13:23

Nɛ Njesigənea̰ oo kəmtondoo lə dee ar mée oso lemsé dɔ dee’g ləm, yeḛ tel kəmee par gə́ rɔ dee’g ləm tɔ mbata manrɔ ləa gə́ yeḛ man ar Abrakam gə Isaak gə Jakob lé, yee ɓa yeḛ ndigi tuji dee ne el ndá saar mee ndəa gən lé kara yeḛ un ne kəmee rəw dɔ dee’g el.

2 Mbaije 23:27

Bèe ɓa Njesigənea̰ pana: Judaje kara m’a kɔr dee nɔm’d gə́ raŋg to gə́ m’ɔr ne Israɛlje bèe tɔ. Tɔɓəi m’a kuba Jerusalem gə́ to ɓee-boo gə́ m’ɔree kəm’g lé kya̰ ləm, kəi gə́ m’pana: Yee ɓa rim a ɓar keneŋ lé kara m’a kuba kya̰ ləm tɔ.

2 Mbaije 24:20

Néje neelé teḛ togə́bè gə goo oŋg lə Njesigənea̰ gə́ oso dɔ njé gə́ Jerusalem gə njé gə́ Juda mbata yeḛ ndigi kɔs dee nea̰’g rəw tɔ. Tɔɓəi Sedesias ḭ ɔs mbai gə́ Babilɔn lé rəw tɔ.

Pakɔsje 43:2

I Ala ləm gə́ njekaḭ bada dɔm’g lé See ban ɓa m’aw dan meeko̰’g Gin kula kəm loondoo’g lə njeba̰ lé wa.

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Pakɔsje 71:9

Maji kari ilam kɔ ndɔ ɓugam’g el ləm, Loo gə́ siŋgam rəm lé ndá kara Ubam ya̰’m gə mbəa el ləm tɔ,

Jeremi 7:15

Ndá m’a tuba sí no̰m’g kɔm sí əw to gə́ m’tuba ne ŋgako̰ síje, deḛ lai gə́ to gə́ ginka’g lə Eprayim lé.

Lugu 11:13

Seḭ gə́ toje njémeeyèrje ɓəi-ə lé gərje loo karje ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee Ndilmeenda lé ɓəi wa.

Tagə́maji gə́ Ja̰ ndang 14:26

Nɛ Ndilmeenda gə́ njenai sə sí gə́ Bɔ-dəwje a kulá karee ree rɔ sí’g gə rim lé yeḛ nja ɓa a ndoo sí néje lai ləm, taje lai gə́ ma m’ula sí lé yeḛ a kolé meḛ sí dɔ’g ləm tɔ.

Njé gə́ Rɔmə 1:4

nɛ teḛ gə́ yeḛ teḛ dɔkumbwa’g lé yee ɓa riba dəa to gə́ yeḛ to Ŋgon-Ala gə́ njesiŋgamoŋ gə goo Ndilmeenda.

Njé gə́ Rɔmə 8:9

Nɛ seḭ lé ɓó lé Ndil Ala to meḛ sí’g tɔgərɔ ndá seḭ waje goo rɔ sí dɔ Ndil’g ɓó dɔ ka̰ darɔ’g ɓa el. Ɓó lé nana ɓa nai gə Ndil Kristi el ndá njea neelé to ka̰ Kristi el tɔ.

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

2 Njé gə́ Tesalonikə 1:9

Bo̰ néra dee a kɔs ta dee’g loo gə́ d’a tuji keneŋ gə no̰ ləm, d’a si ŋgərəŋ ɓó d’a si no̰ Mbaidɔmbaije’g dəb el ləma, siŋgamoŋ ləa a nduba dɔ dee’g el ləm tɔ.

Njéga̰g-Rəwtaje 13:25

Bèe ɓa Ndil Njesigənea̰ un kudu kɔs ŋgon neelé ɓɔḭ-ɓɔḭ mee loo gə́ Mahané-Da̰’g, mbuna Sorea’g gə gə́ Estaol’g tɔ.

Njéga̰g-Rəwtaje 15:14

Loo gə́ yeḛ teḛ Léi mba̰ ndá Pilistije d’unda bula u-u-u tila ne kəmee. Bèe ɓa Ndil Njesigənea̰ dəb dəa’g ar kulaje gə́ tɔ ne jia lé tel to asəna gə kúla palégal gə́ pər o̰ bèe.

Njéga̰g-Rəwtaje 16:20

Tɔɓəi yeḛ pana: Samso̰, Pilistije d’aar dɔi’g nee! Ndá yeḛ uba naŋg dɔ ɓi’g ḭ pa mée’g pana: N’a teḛ nar rɔ neḛ to gə́ kédé lé ləm, n’a kunda rɔ neḛ gaŋg ləm tɔ. Nɛ yeḛ gər to gə́ Njesigənea̰ ubá yá̰ mba̰ lé bèe el.

1 Samel 10:10

Loo gə́ deḛ teḛ Gibea ndá aa oo, kudu-njéteggintaje ree tila kəmee d’iŋgá. Ndil Ala dəb dəa’g ndá yeḛ tegginta mbuna dee’g tɔ.

1 Samel 16:14

Ndil Njesigənea̰ uba Sawul yá̰ ndá ndil gə́ yèr gə́ Njesigənea̰ ulá ɓa ree jɔgee.