Pakɔsje 50:4 - Maktub gə́ To gə Kəmee

⁴ Yeḛ ila boo-ndia naŋg par gə́ mee dara gə́ tar ləm, Gə par gə́ naŋg nee ləm tɔ, Mba gaŋg ne rəwta dɔ koso-dəwje’g ləa pana:

Pakɔsje 50:4 ပူးပေါင်းရင်းမြစ်များ

Pakɔsje 50:6

Dara a kila mber meekarabasur ləa, Mbata Ala to njegaŋ-rəwta.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Jeremi 2:9

Gelee gə́ nee ɓa ma m’ndigi Kɔr ne kəm ta kila dɔ sí’g ləm, Ma m’ndigi kɔr ne kəm ta Kila dɔ ŋgan meḛ ŋgan síje’g ləm tɔ, Njesigənea̰ ɓa pa bèe.

Tel tura Godndu 30:19

Ɓogənè ma m’ɓar dara gə naŋg nee gə mba kar dee d’ɔr ta d’ila dɔ sí’g: ma m’unda yoo gə kisi kəmba gə ndutɔr gə ta ndɔl no̰ sí’g. Maji kar sí ɔrje kəm kisi kəmba mba kar sí-seḭ gə ŋgaka síje sije ne kəmba ləm,

Tel tura Godndu 31:28

Maji kar sí mbo̰je ŋgatɔgje lə sí, gə ginkojije lə sí, gə mbaije lə sí lai mba kam m’ula dee ta kəm dee’g lai ndá m’a kun dara gə naŋg nee gə́ njékɔrgoota kila dɔ dee’g-je.

Tel tura Godndu 32:1

I dara lé, kɔd mbii ila tag ndá m’a kulai ta, I naŋg lé ur mbii oo ne taje tam’g.

Tel tura Godndu 4:26

Ɓogənè ma m’ɓar dara gə naŋg nee gə mba kar dee to njékɔrgootaje ləm: ɓó lé seḭ raje kaiya gə́ togə́bè ndá yoo a ree gə tɔgee ya kar sí saneje ne kad mee ɓee gə́ seḭ a kaw taaje gə́ né ka̰ sí gir baa gə́ Jurdɛ̰’g nu lé, seḭ a síje keneŋ kuru sí əw el mbata seḭ a tujije ya.

Tel tura Godndu 4:36

Yeḛ ar sí ooje ndia gə́ ɓar mee dara’g gə mba ndoo sí ne né, yeḛ ar sí ooje pər ləa gə́ boo dɔ naŋg nee ləm, seḭ ooje taje ləa gə́ pa dan pər’g ləm tɔ.