Pakɔsje 50:23 - Maktub gə́ To gə Kəmee

²³ Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Pakɔsje 50:23 ပူးပေါင်းရင်းမြစ်များ

Pakɔsje 120:1

Pakɔs kḭ kaw tuga ne loo ɗao-ɗao gə́ tar. Loo gə́ m’isi dan néurti’g ndá M’no̰ wəl gə́ rɔ Njesigənea̰’g ndá Yeḛ ilam keneŋ.

Pakɔsje 22:23

M’a teḛ gə rii mbuna ŋgakɔmje’g ləm, M’a pidii loo-kwa-dɔ-na̰’g lə koso-dəwje ləm tɔ.

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Pakɔsje 27:6

Ɓasinè m’unda dɔm tar no̰ njéba̰je’g ləm gə́ d’aḭ dɔm sub, M’a kinja nékinjanéməsje mee kəi-kubu’g ləa Loo gə́ ndu to̰to̰ aw ɓar ləm, M’a kɔs pa kila ne riɓar dɔ Njesigənea̰’g ləm tɔ.

Pakɔsje 34:5

Ma m’ndolè goo Njesigənea̰ ndá Yeḛ tel ilam keneŋ, Yeḛ ɔrm dan boo-néɓelje’g ləm lai ya.

Pakɔsje 85:13

Njesigənea̰ nja ɓa ar sí j’isi dan maji’g, Bèe ɓa dɔ naŋg lə sí a kinja gə kandə néje ya.

Pakɔsje 85:9

M’a kur mbim mba koo ne ta gə́ Ala Njesigənea̰ pa lé Mbata yeḛ pata wɔji ne dɔ meelɔm Ar koso-dəwje ləa ləm, gə majikojije ləa ləm tɔ Mba kar dee tel d’oso ne dan néra mbə’g gogo el.

Pakɔsje 86:12

Mbaidɔmbaije, Ala ləm, m’a pidii gə ŋgaw məəm bura ya, M’a kula rɔnduba dɔ rii’g saar-saar gə nɔm ya tɔ.

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Pakɔsje 91:16

M’a kar dəa ai səgərə kar mée ndá ne kaḭ ləm, M’a karee oo kaji ləm gə kəmee nda̰-nda̰ ya ləm tɔ.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Lugu 2:30

Mbata m’oo kaji ləi gə kəm mba̰

Tagə́maji gə́ Ja̰ ndang 7:17

Dəw gə́ rara ɓa lé wa mée kɔgərɔ gə mba ra torndia lé ndá ta kɔr ləm gə́ m’ɔr lé m’ɔr gə ka̰ Ala əsé m’ɔr gə́ kama kara yeḛ a gər gao ya.

Néra Njékaḭkulaje 11:14

Yeḛ nja ɓa a kulá néje lai gə́ yeḛ a kaji ne, gə njémeekəije ləi na̰’d tɔ.

Néra Njékaḭkulaje 13:26

Ŋgakɔmje gə́ dəwje gə́ toje ŋgaka Abrakam ləm, gə seḭ gə́ ɓəlje Ala lé ləm tɔ lé ta kaji neelé d’ula ne d’ar sí-seḭ ya.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 15:6

mba kar sí lai lé a kundaje ne ndu sí na̰’d kára ba mba kula ne rɔnduba dɔ Ala lé gə́ to Bɔ Mbaidɔmbaije lə sí Jeju Kristi lé.

Njé gə́ Rɔmə 15:9

Nɛ njépole-magəje d’ula rɔnduba dɔ Ala’g gə mba meekɔrjol ləa gə goo ta gə́ ndaŋg mee maktub’g pana: Gelee gə́ nee ɓa m’a pidii mbuna ginkoji dəwje gə raŋg’g ləm, M’a kɔs pa kula ne rɔnduba rɔ rii’g ləm tɔ.

Njé gə́ Galati 1:24

Yen ŋga deḛ d’ula rɔnduba dɔ Ala’g gə mbàm tɔ.

Njé gə́ Galati 6:16

Maji kar meekulɔm gə meekɔrjol ɔm dɔ njékun rəwje gə́ nee lai ləm, gə dɔ Israɛlje gə́ ka̰ Ala ləm tɔ.

Njé gə́ Pilibə 1:27

Yee nja m’ula sí kən, arje néra sí wa bua Tagə́maji lə Kristi, togə́bè ɓa, lé m’a kaw koo sí əsé lé m’a godo mbuna sí’g ndá kara m’a koo to gə́ seḭ aarje dɔ gɔl sí’g njaŋg loo kára ba ləm, seḭ undaje siŋga sí na̰’d mba koma̰ gə né gə́ a tuji meekun gə́ wɔji dɔ Tagə́maji lé ləm tɔ,

Maktub gə́ Jak ula ne ar ngan-Allaje 3:13

See na̰ ɓa mbuna sí’g to njekəmkàr ləm, gə njegosonégər ləm tɔ wa. Maji kar panjaa ləa gə tapea gə́ kul yururu lé ɔr gin kəmkàr ləa gə́ raga ya.

1 Piɛrə 1:15

Nɛ to gə́ yeḛ gə́ ɓar sí lé to njemeenda ndá maji kar sí-seḭ kara a karje néra sí gə́ gə lée-lée to gə kəmee bèe tɔ,

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.