Pakɔsje 50:2 - Maktub gə́ To gə Kəmee

² Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

Pakɔsje 50:2 ပူးပေါင်းရင်းမြစ်များ

Pakɔsje 48:2

Njesigənea̰ lé to gə́ boo ya, Yeḛ to gin ta pidije lai mee ɓee-boo’g lə Ala lə sí ləm, Gə dɔ mbal’g ləa gə́ to gə kəmee kəm tɔ.

Pakɔsje 48:3

Dɔ diŋgri mbal gə́ to mbal gə́ Sio̰ lé To loo gə́ maji péd-péd ləm, Yee to nérɔlel lə dəwje lai dɔ naŋg nee ləm tɔ, Loo gə́ par gə́ dɔgel lé To ɓee-boo lə mbai gə́ boi.

Pakɔsje 68:24

Gə mba kari ula ne gɔli dan məs’g ləm, Mba kar ndo̰ bisije ləi kara D’iŋga ne né gə́ wɔji dɔ dee rɔ njéba̰je’g ləi ya ləm tɔ.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Pakɔsje 80:17

Yeḛ lé tuga d’ar pər rée dula-dula ləm, Deḛ lé tuji pugudu-pugudu nɔḭ’d gə́ i ndaŋg dee ne ləm tɔ.

Pakɔsje 80:2

I gə́ to njekul Israɛlje ləm, I gə́ ɔr no̰ Jisepje asəna gə koso-nékulje bèe ləm tɔ lé Maji kari kɔd mbii ila tag ya. I gə́ si dɔ Nékundaje gə́ dara gə́ tar lé Maji kar ndogó ləi ndogó ɔr jol-jol!

Pakɔsje 94:1

Njesigənea̰, Ala gə́ njedalba̰ lé! Ala gə́ njedalba̰ lé Maji kari nduba rɔi gə́ raga.

Pa gə́ ur dɔ paje 5:16

Tea kul yururu ləm, Dareaje lai taa kəm rəgm ləm tɔ. Yeḛ gə́ m’undá dan kəm’g lé to togə́bè, Njemɔr ləm lé to togə́bè ya, Seḭ ŋgama̰dje gə́ Jerusalem lé.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Nɔ̰-ndôo gə́ wɔji dɔ Jerusalem 2:15

Dəwje lai gə́ dəs rəbə lé D’unda ji dee dɔi’g ləm, Deḛ d’ur kɔl ləma, Deḛ tuŋga dɔ dee jəgm-jəgm Kogo ne Jerusalem ləm tɔ Pa ne pana: See ɓee-boo gə́ kédé ɓaree Yee gə́ ma̰də péd-péd Yee gə́ to nérɔlel lə dɔ naŋg lai lé ya nee wa.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

Loo gə́ killa rea kəm Ja̰’g 1:16

Kéréméje siri to jikɔlee’g. Kiambas gə́ ŋgaŋgee joo gə́ adə làm-làm teḛ təa’g. Kwɔjee ndɔḭ wər-wər asəna gə kàr gə́ ɔs kəḭ-kəḭ bèe.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.