Pakɔsje 5:9 - Maktub gə́ To gə Kəmee

⁹ Njesigənea̰, maji kari ɔr nɔm njoroŋ Gə goo rəw ləi gə́ danasur Mbata njéba̰je ləm d’isi gən. Maji kari ra kila rəw ləi nɔm’g Aree asəna rai-rai.

Pakɔsje 5:9 ပူးပေါင်းရင်းမြစ်များ

Esdras 8:21

Lée gə́ nee, gə́ to mbɔr baa gə́ Ahaba lé ɓa ma m’ila mber kɔg-mee-ɓoo keneŋ, gə mba kar sí j’oso ne kul no̰ Ala’g lə sí mba ra ndòo rəa’g karee ar rəw-kaw sí to gə́ majee mbata lə síjeḛ ləm, gə mbata lə ŋgan síje ləma, gə mbata némajije lə sí lai ləm tɔ.

Pakɔsje 27:11

Njesigənea̰, maji kari tɔjim rəw ləi, Maji kari ɔr nɔm dan kila rəw gə́ danasur’g Mbata njéba̰je ləm d’isi gən.

Pakɔsje 51:6

M’ra kaiya m’ɔs ne ta ləi-i nja rəw ləm, M’ra ne né gə́ to kḛji kəmi’g, Bèe ɓa ta gə́ i a gaŋg lé A to gə dɔ najee ləm, Rəwta-gaŋg ləi kara Dəw a kimi dɔ’g el ləm tɔ.

Pakɔsje 52:2

Mee ndəa gə́ Doɛg, dəw gə́ Edɔm, ree rɔ Sawul’g ulá pana: Dabid aw mee kəi’g lə Asimelek lé.

Pakɔsje 62:4

See ndɔ gə́ ra ɓa seḭ a kəwje kḭ kɔmje na̰ dɔ dəw’g lé wa. See ndɔ gə́ ra ɓa seḭ lai a kəwje kḭ saŋgje loo mbata kṵdáje Kareje to asəna gə ndògo-bɔrɔ gə́ to podé lé Esé asəna gə ŋgalaŋ gə́ unda naŋg bèe lé wa.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Pakɔsje 64:6

Deḛ d’wa siŋga dee kɔgərɔ dan némeeyèr’g lə dee ləm, Deḛ d’ɔm na̰’d téréré gə mba kiya gumje lə dee ləm tɔ Ar dee pa ne pana: See na̰ ɓa a koo neḛje wa.

Pakɔsje 69:19

Ŋgəs pər gə́ rɔm ɓó gə́ taam ləm, Ajim ɓó gə ɔrm ne ji njéba̰je’g ləm ləm tɔ.

Gosota-Kəmkàrje 29:5

Dəw gə́ bɔr bèl maree lé Iya ne gum loo-tila-gɔlee’g

Esai 26:7

Rəw-kaw njemeekarabasur lé to danasur, I gə́ to njemeekarabasur lé I gɔl kila rəw lə njemeekarabasur aree asəna rai-rai.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Misee 6:12

Baoje gə́ mee ɓee’g neelé néra gə́ kərm-kərm ɓa taa rɔ dee pəl-pəl ləm, Dəw-mee-ɓeeje lé taŋgɔm ɓa oji na̰ ta dee’g ləma, Ndo̰ dee teḛ gə ta sukəmloo ləm tɔ.

Lugu 11:39

Nɛ Mbaidɔmbaije lé ulá pana: Seḭ Parisiḛje lé seḭ togoje gir ŋgo-kai-manje ləm gə gir kaje ləm tɔ ar deeje d’àr raŋg-raŋg, nɛ meḛ sí gə́ kəi lé meeyèr gə kəmkəḭ wa keneŋ gɔgɔgɔ-gɔgɔgɔ.

Lugu 11:44

Meeko̰ a koso dɔ sí’g. Mbata seḭ toje asəna gə dɔɓar gə́ naŋg gɔl dəa ar dəwje d’oo el, ar dee njaa dɔ’g lé.

Njé gə́ Rɔmə 3:13

Rəw gwɔs dee to gə́ bwa-dɔɓar gə́ to tag ləm, D’ula ndo̰ dee gə kər dəwje ləma, Gel ndo̰ dee to asəna gə mas pir ləm tɔ.

1 Njé gə́ Tesalonikə 2:5

Seḭ gərje gao, jeḛ lé ndɔ kára kara jeḛ lèbè kəm dəw el ləm, j’unda meḛ sí dɔ né’g lə dəw el ləm tɔ. Ala ɓa oo gée gao ya.