Pakɔsje 5:7 - Maktub gə́ To gə Kəmee

⁷ I ar njétaŋgɔmje d’udu bo̰. Dəwje lai gə́ d’ila məs ləm, Gə deḛ gə́ to gə́ njékərgosoje ləm tɔ lé I Njesigənea̰ ə̰ji dee bəḭ-bəḭ ya.

Pakɔsje 5:7 ပူးပေါင်းရင်းမြစ်များ

1 Mbaije 8:35

Loo gə́ kəm dara udu ar ndi ər el mbata kaiya gə́ deḛ ra d’ɔsi ne rəw lé, ɓó lé deḛ ra tamaji lée’g neelé d’ula ne rɔnduba dɔ rii’g ləm, ɓó lé deḛ d’uba goo kaiya ra deeje d’ya̰ mbata i ar bo̰ néra dee ɔs ta dee’g ləm tɔ ndá,

1 Mbaije 8:38

ɓó lé dəw kára əsé koso-dəwje ləi gə́ Israɛl lai d’ar ndu ra tamaji əsé ra ndòo d’ar ndu no̰ lə dee ɓar, ar nana kara gər doo gə́ to mée’g ɓa ula jia par gə́ rɔ kəi’g neelé ndá

Pakɔsje 101:7

Yeḛ gə́ ya̰ rəa yag dan kərgoso’g lé ndá Yeḛ a si mee kəi’g ləm lé nda̰ el ləm, Yeḛ gə́ pa taŋgɔm lé kara A kaar nɔm’g nda̰ el ya ləm tɔ.

Pakɔsje 130:4

Nɛ i nja loo kiŋga meekoso lemsé to mbɔri’g Gə mba kar dəwje ɓəli ne.

Pakɔsje 132:7

Ar sí j’awje loo-siée’g Ar j’undaje barmba no̰ loo-nétura-gɔl-kɔm’g ləa lé.

Pakɔsje 138:2

Ma m’unda barmba mee kəi’g ləi gə́ to gə kəmee doi lé ləm, Ma m’unda no̰ rii mbata meemaji ləi gə meenda londoŋ ləi ləm tɔ. Mbata rii lé ɓar gə loo mbidi-mbidi Gə goo ndukunje ləi gə́ i ar dee d’aw lée’g béréré lé.

Pakɔsje 28:2

Maji kari oo ndu ra ndòo ləm Loo gə́ m’no̰ m’ɓari ləm, Loo gə́ m’odo jim par gə́ kəi ləi gə́ to gə kəmee ləm tɔ.

Pakɔsje 34:17

Njesigənea̰ lé kəmee tel wagəsa dɔ njémeeyèrje’g Gə mba kar ri dee udu bo̰ dɔ naŋg nee.

Pakɔsje 51:1

Pa lə Dabid gə́ ar bao-pa mba karee ɔs sə dee lé.

Pakɔsje 52:8

Njémeekarabasurje lé d’a koo ndá d’a ɓəl ne ləm, D’a kɔr sor kwɔji ne dəa kɔgee ne ləm tɔ pana:

Pakɔsje 55:16

Maji kar yoo ɓa dar dee bus ləm, Maji kar dee d’aw kəmba ɓee lə yoo ləm tɔ, Mbata meeyèr lé to dan loo-si dee’g ləm, To mbuna dee’g ləm tɔ.

Pakɔsje 69:13

Deḛ gə́ d’isi tarəwkɔg’d lé Pata d’wɔji ne dɔm ləm, Njékai kidoje gə́ mḭ lé kara D’ilam pa ya ləm tɔ.

Pakɔsje 69:16

Maji kar paŋgəm maneje lé dəs dɔm’g el ləm, Maji kar ɓul mán lé urum kəi magə el ləma, Maji kar bwa-yoo kara o̰ rḛdə dɔm’g mbiao̰ el ya ləm tɔ.

Gosota-Kəmkàrje 6:16

Néje misa̰ gə́ Njesigənea̰ Ǝ̰ji dee bəḭ-bəḭ to keneŋ, Néje gə́ siri to né gə́ mina̰ kəmee’g togə́bè: Kəm njébeeleje’d gə́ d’aa ne loo ləm, Ndo̰ dəw gə́ njepa ta gə́ ŋgɔm ləm, Ji dəw gə́ ila məs njegelgodo naŋg ləm, Dɔ ɓəŋgərə dəw gə́ la̰ji tor Kwɔji néra gə́ kori-kori ləm, Gɔl dəw gə́ wɔilɔ pélé-pélé Gə́ dɔ néra gə́ majel’g ləm, Njegaŋgta gə́ pa taŋgɔm gə́ kédé-kédé ləma, Gə yeḛ gə́ to njekɔs gel takɔl Mbuna ŋgako̰ na̰je’g ləm tɔ.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 64:11

Gə goo néje neelé əi Njesigənea̰, See i a kɔg rɔi ra né wa. See i a si bèe-bèe ya gə mba kula kəm sí ndòo Karee al dɔ sí sula wa.

Loo gə́ killa rea kəm Daniel’g 6:10

Yen ŋga mbai Darius lé ndaŋg godndu nee ləm gə né kɔg loo ra né rədədə ləm tɔ.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Ǝbrəje 4:16

Bèe ndá maji kar sí n’ges pər gə́ mbɔr kalimbai noji’g ləa gə meendakaḭ mba kar mée oso lemsé dɔ sí’g ləm, karee wa sə sí noji la ne sə sí dɔ né gə́ ndée ra sí ləm tɔ.

Jujé 24:15

Nɛ ɓó lé seḭ ooje to gə́ to maji kəm kwa Njesigənea̰ meḛ’g sí el ndá ɓogənè ya maji kar sí mbərje yeḛ gə́ seḭ ndigije poleeje né kaareeje, lé to magəje gə́ ka síje pole dee kel tura-baa gə́ nu əsé lé to magəje lə Amɔrje gə́ seḭ síje mee ɓee’g lə dee nee kara, ma ɓa yḛ̀ jeḛ gə njémeekəije ləm lé j’a kwaje Njesigənea̰ ɓa meḛ sí’g ya.