Pakɔsje 5:6 - Maktub gə́ To gə Kəmee

⁶ Mbə-dəwje d’askəm kaar tar kəmi’g el. Deḛ lai gə́ néra dee to kori-kori lé kara I ə̰ji dee bəḭ-bəḭ ya.

Pakɔsje 5:6 ပူးပေါင်းရင်းမြစ်များ

Gḭ-Néje 34:14

Deḛ d’ula dee pana: Kar kɔnan sí taa dəw gə́ lal kinja tamɔdee lé to né gə́ j’askəm ra el. Mbata né neelé a to né kula sul dɔ sí’g.

2 Samel 16:8

Njesigənea̰ ar məs njémeekəije lə Sawul lai tel ɔm dɔi’g ya, yeḛ gə́ i taa kalimbai ləa lé ndá Njesigənea̰ tel gə ɓeeko̰ lé ɔm ji Absalɔm gə́ to ŋgoni’g, bèe ɓa i si ne dan némeeko̰’d gə́ wɔji dɔi ya mbata i to dəw gə́ njekilaməs ya.

2 Samel 20:1

Lée neelé dəw gə́ njemeeyèr kára si keneŋ ria lə Seba, ŋgolə Bikri, dəw gə́ Bḛjami. Yeḛ lé im to̰to̰ ndá yeḛ pana: Jeḛ lé né lə sí kára kara to rɔ Dabid’g el ləm, Nédɔji lə sí to rɔ ŋgolə Isai’g el ləm tɔ! Seḭ Israɛlje lé maji kar nana kara tel aw kəi-kubu’g ləa-ləa ya.

Pakɔsje 11:5

Njesigənea̰ lé naa meekuru lə njemeekarabasur ya. Nɛ njemeeyèr gə njera né kərm-kərm lé yeḛ ə̰ji dee bəḭ-bəḭ.

Pakɔsje 4:2

Loo gə́ m’no̰ m’ɓari ndá Maji kari ilam keneŋ I Ala gə́ njegaŋ-rəwta ləm gə goo rəbee lé. Loo gə́ m’isi dan néɓəŋgərəti’g lé ndá Maji kari ajim! Maji kari oo tamaji ləm, oo ne kəm lootondoo’g ya kari!

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Njé gə́ Rɔmə 1:29

Deḛ d’ar néra gə dɔ najee el ləm, gə néra majelje ɓəd-ɓəd ləm, gə néra gə́ yèr ləma, gə meeyèr ləm tɔ lé taa meḛ dee pəl-pəl. Kəmkəḭ ləm, gə tɔl dəw ləm, gə kɔl na̰ ləm, gə kərgoso ləma, gə kəm ŋgununu ləm tɔ lé rusu meḛ dee tɔ.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.