Pakɔsje 5:4 - Maktub gə́ To gə Kəmee

⁴ Njesigənea̰, teḛ gə ndɔ rad lé i oo ndum ləm, Teḛ gə ndɔ rad lé m’tel kəm par gə́ rɔi’g M’aa loo gərərə ləm tɔ.

Pakɔsje 5:4 ပူးပေါင်းရင်းမြစ်များ

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

Pakɔsje 101:7

Yeḛ gə́ ya̰ rəa yag dan kərgoso’g lé ndá Yeḛ a si mee kəi’g ləm lé nda̰ el ləm, Yeḛ gə́ pa taŋgɔm lé kara A kaar nɔm’g nda̰ el ya ləm tɔ.

Pakɔsje 11:5

Njesigənea̰ lé naa meekuru lə njemeekarabasur ya. Nɛ njemeeyèr gə njera né kərm-kərm lé yeḛ ə̰ji dee bəḭ-bəḭ.

Pakɔsje 140:13

Ma m’gər gao, Njesigənea̰ gaŋg rəwta lə njénékəmndooje gə goo rəbee ləm, Deḛ gə́ to njéndooje kara Yeḛ ɔr kəm ta lə dee gə dɔ najee ləm tɔ.

Pakɔsje 50:21

Aa oo, né gə́ i ra ɓa nee ndá Neḛ m’pata dɔ’g el, I ə̰ji məəi’g pana: Neḛ n’to tana səi bèe ya, Nɛ n’a gə ndaŋgi dɔ’g kunda néje neelé kəmi’g ya kari oo tɔ.

Pakɔsje 63:2

Ǝi Ala, i to Ala ləm gə́ m’aw m’sa̰gi lé Mali ram ŋgwɔd-ŋgwɔd asəna gə kṵdaman gə́ tɔl dəw bèe, Darɔm kara ila kəmə ərm-ərm gooi’g Dɔ naŋg gə́ tudu kurum-kurum gə́ lal mán gə́ tḛ́ bèe keneŋ.

Pakɔsje 88:14

Ǝi Njesigənea̰, ma lé m’ra ndòo rɔi’g Gə mba kari la səm ya, Teḛ gə ndɔ rad lé tamaji ləm teḛ ɔs goo na̰ goo na̰ gə́ rɔi’g ya tɔ.

Pakɔsje 92:15

D’andə gə kandə dee gə́ kédé saar teḛ ne ɓuga dee’g gəsərə, Bode dee taa rɔ dee pəl-pəl ar dee d’idi ne pug-pug to

Pakɔsje 94:20

See njémeeyèrje gə́ d’wɔji-kwɔji néra gə́ kori-kori meḛ dee’g d’al ne ta ta godndu’g lé See d’a kari si dɔ kalimbai’g lə dee lé ya wa.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

2 Piɛrə 3:13

Nɛ jeḛ lé jeḛ ŋgina dara gə́ sigi ləm, gə naŋg gə́ sigi gə́ meekarabasur a kur kəi keneŋ, jeḛ ŋgina gə goo ndukun ləa gə́ yeḛ un ar sí lé.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.