Pakɔsje 49:11 - Maktub gə́ To gə Kəmee

¹¹ Mbata d’a kée ya, njékəmkàrje d’wəi ləm, Mbə-dəw gə njegərnéel kara udu guduru ləm tɔ Ndá d’ya̰ némajije lə dee d’ar dəwje gə́ raŋg.

Pakɔsje 49:11 ပူးပေါင်းရင်းမြစ်များ

Gḭ-Néje 4:17

Kaḭ gər dené ləa. Yeḛ taa kèm oji ne Enok. Gée gə́ gogo yeḛ ra ɓee-boo ndá yeḛ unda ri ŋgonee Enok ɓa dɔ ɓee-boo’g neelé.

2 Samel 18:18

Loo gə́ Absalɔm si ne kəmba ɓəi lé yeḛ ar dee d’un mbal d’unda gə́ nékolé-mee kəm wəl-loo gə́ ka̰ mbai’g lé, mbata yeḛ pana: Ma lé ŋgonəm gə́ diŋgam gə́ a kar meḛ dee olé ne dɔ rim’g lé godo. Ndá yeḛ unda ria-yeḛ ya dɔ nékolé-mee’g neelé ar dee ɓaree ne nékolé-mee lə Absalɔm saar teḛ ne ndəa gən.

Pakɔsje 10:6

Yeḛ ə̰ji ta mée’g pana: Né a yə ŋgira neḛ el. Loo ɔn dɔ neḛ mbèd ndá Meeko̰ a koso dɔ neḛ’g nda̰ el.

Pakɔsje 39:7

Tɔgərɔ ya, dəw lé aw tar Asəna gə ndil né gə́ dəs bèe ləm, Yeḛ ula rəa ndubu nɛ ra pi, Yeḛ mbo̰ néje dɔ na̰’d Nɛ yeḛ gər dəw gə́ a gə to njea lé el.

Pakɔsje 5:9

Njesigənea̰, maji kari ɔr nɔm njoroŋ Gə goo rəw ləi gə́ danasur Mbata njéba̰je ləm d’isi gən. Maji kari ra kila rəw ləi nɔm’g Aree asəna rai-rai.

Pakɔsje 64:6

Deḛ d’wa siŋga dee kɔgərɔ dan némeeyèr’g lə dee ləm, Deḛ d’ɔm na̰’d téréré gə mba kiya gumje lə dee ləm tɔ Ar dee pa ne pana: See na̰ ɓa a koo neḛje wa.

Njekillamber 2:14

Njekəmkàr lé oo loo-kabee gao nɛ mbə-dəw lé njaa dan loondul’g. Nɛ ma m’gər to gə́ deḛ joo bɔr lé né gə́ wɔji dɔ dee to gə́ kára ba ya.

Njekillamber 2:21

Mbata dəw gə́ togə́bè gə́ ra kula gə kəmkàr gə goso-gər-gin-né teḛ ne kɔr ɓa ya̰ kandə nékula ləa ar dəw gə́ ra kula keneŋ el ɓa gə́ kea̰. Yee neelé to gə́ né gə́ kari ba ləm, to némajel gə́ boo ya ɓəi ləm tɔ!

Ejekel 38:10

Mbaidɔmbaije gə́ Njesigənea̰ pa togə́bè pana: Mee ndəa’g neelé takə̰jije d’a kḭ məəi’g ndá i a kwɔji néje gə́ majel məəi’g gə mba ra.

Lugu 11:39

Nɛ Mbaidɔmbaije lé ulá pana: Seḭ Parisiḛje lé seḭ togoje gir ŋgo-kai-manje ləm gə gir kaje ləm tɔ ar deeje d’àr raŋg-raŋg, nɛ meḛ sí gə́ kəi lé meeyèr gə kəmkəḭ wa keneŋ gɔgɔgɔ-gɔgɔgɔ.

Néra Njékaḭkulaje 8:22

Wa ndòo rɔi dɔ némeeyèr’g ləi, ra ndòo rɔ Mbaidɔmbaije’g ɓa dɔmaji-nà mée a ti mbidi dɔ takə̰ji’g ləi ɓəi,

Tel tura Godndu 3:14

Jayir, ŋgolə Manasə taa dɔ naŋg gə́ Argob lai saar teḛ ne rəw-nim-ɓee’g lə Geskurje, gə Maakatje ndá yeḛ unda ria-yeḛ ya dɔ ɓee-kogoje’d gə́ Basan, yee ɓa deḛ ɓar dee ne ɓee-kogoje lə Jayir ya saar teḛ ɓogənè ɓəi.

1 Samel 15:12

Yeḛ ḭ gə ndɔ rad mba kaw kiŋga Sawul. Ndá deḛ ree d’ulá pana: Sawul aw Karmel ndá aa oo, yeḛ unda nékolé-mee dəa-yeḛ’g keneŋ tɔɓəi yeḛ tel ree ndá dəs aw gə́ kédé lam ɓa teḛ Gilgal ɓəi.