Pakɔsje 48:3 - Maktub gə́ To gə Kəmee

³ Dɔ diŋgri mbal gə́ to mbal gə́ Sio̰ lé To loo gə́ maji péd-péd ləm, Yee to nérɔlel lə dəwje lai dɔ naŋg nee ləm tɔ, Loo gə́ par gə́ dɔgel lé To ɓee-boo lə mbai gə́ boi.

Pakɔsje 48:3 ပူးပေါင်းရင်းမြစ်များ

2 Samel 5:7

Nɛ Dabid taa kəi-kaar-kɔgərɔ gə́ Sio̰ lé. Yee ɓa to ɓee-boo lə Dabid tɔ.

2 Sôrta Gḭka Israɛlje 12:7

Loo gə́ Njesigənea̰ oo to gə́ deḛ d’oso kul ndá Njesigənea̰ ula Semaeja ta togə́bè pana: Deḛ d’oso kul ɓó m’a tuji dee el ləm, m’a tila gə́ tila dɔ la sə dee gə́ el ləma, oŋg ləm a kɔm dɔ Jerusalem’g gə ji Sisak lé el ləm tɔ,

Pakɔsje 125:1

Pakɔs kḭ kaw tuga ne loo ɗao-ɗao gə́ tar. Deḛ gə́ d’ɔm meḛ dee dɔ Njesigənea̰’g lé To d’asəna gə mbal gə́ Sio̰ gə́ né yə ŋgirá el bèe Nɛ yee ŋgəŋ ŋgəŋ-ŋgəŋ saar gə no̰ ya.

Pakɔsje 135:21

Maji kar njé gə́ Sio̰ Gə deḛ gə́ d’isi Jerusalem lé D’unda no̰ dɔkaisəgərə lə Njesigənea̰. Pidije Njesigənea̰ ya.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Pakɔsje 50:2

Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

Pa gə́ ur dɔ paje 6:4

Ǝi njemɔr ləm, i lé ma̰də yaa̰ To (ɓee) gə́ Tirsa bèe ləm, I maji yaa̰ gə́ Jerusalem bèe ləm tɔ Nɛ i to ɓəl kədm-kədm To gə́ kudu njérɔje gə́ d’aar gin nékun-baŋgaje’g lə dee bèe.

Nɔ̰-ndôo gə́ wɔji dɔ Jerusalem 2:15

Dəwje lai gə́ dəs rəbə lé D’unda ji dee dɔi’g ləm, Deḛ d’ur kɔl ləma, Deḛ tuŋga dɔ dee jəgm-jəgm Kogo ne Jerusalem ləm tɔ Pa ne pana: See ɓee-boo gə́ kédé ɓaree Yee gə́ ma̰də péd-péd Yee gə́ to nérɔlel lə dɔ naŋg lai lé ya nee wa.