Pakɔsje 48:2 - Maktub gə́ To gə Kəmee

² Njesigənea̰ lé to gə́ boo ya, Yeḛ to gin ta pidije lai mee ɓee-boo’g lə Ala lə sí ləm, Gə dɔ mbal’g ləa gə́ to gə kəmee kəm tɔ.

Pakɔsje 48:2 ပူးပေါင်းရင်းမြစ်များ

Pakɔsje 135:21

Maji kar njé gə́ Sio̰ Gə deḛ gə́ d’isi Jerusalem lé D’unda no̰ dɔkaisəgərə lə Njesigənea̰. Pidije Njesigənea̰ ya.

Pakɔsje 50:2

Mee ɓee gə́ Sio̰ gə́ ndoolé keḭ-keḭ lé Rɔnduba lə Ala ndogó jol-jol keneŋ.

Pakɔsje 76:2

Ala ar dee gəree mee ɓee gə́ Juda gao ləm, Ria kara ɓar mḭ mee ɓee gə́ Israɛl’g ya ləm tɔ.

Pakɔsje 87:3

Taje gə́ ka̰ kula rɔnduba dɔi’g lé Deḛ pa taree d’wɔji ne dɔi-i ɓee-boo lə Ala ya.

Pakɔsje 99:9

Ulaje rɔnduba dɔ Njesigənea̰’d Gə́ to Ala lə sí lé Undaje barmba dəbje kəm sí naŋg dɔ mbal’g ləa Gə́ to gə kəmee doi, Mbata Njesigənea̰, Ala lə sí lé to Njerɔkunda.

Esai 14:13

I pa məəi’g pana: A kaw mee dara’g, I a kar kalimbai ləi to tar Dɔ kéréméje’g lə Ala, I a si dɔ mbal gə́ wɔji dɔ loo-mbo̰-dɔ-na̰’g Rudu loo’g par gə́ dɔgel.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Nɔ̰-ndôo gə́ wɔji dɔ Jerusalem 2:15

Dəwje lai gə́ dəs rəbə lé D’unda ji dee dɔi’g ləm, Deḛ d’ur kɔl ləma, Deḛ tuŋga dɔ dee jəgm-jəgm Kogo ne Jerusalem ləm tɔ Pa ne pana: See ɓee-boo gə́ kédé ɓaree Yee gə́ ma̰də péd-péd Yee gə́ to nérɔlel lə dɔ naŋg lai lé ya nee wa.

Ejekel 20:6

Mee ndəa’g neelé neḛ manrɔ neḛ n’ula ne ji neḛ ndiŋ gə́ dɔ dee’g mba kar dee d’unda ne loo mee ɓee gə́ Ejiptə teḛ d’aw mee ɓee gə́ neḛ n’saŋg gə mbata lə dee lé, to ɓee gə́ mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ.

Loo gə́ killa rea kəm Daniel’g 11:16

Yeḛ gə́ a kɔr rɔ kaw rɔ səa lé a ra to gə́ mee ndigi ya ndá dəw kára kara siŋgá a kas mba kaar gəs nea̰’g el. Yeḛ a kaar naŋg mee ɓee gə́ maji dum ɓeeje gə́ raŋg ndá né gə́ rara gə́ a koso jia’g lé yeḛ a tujee pugudu ya.

Loo gə́ killa rea kəm Daniel’g 11:45

Yeḛ a la kəi-kubuje gə́ ka̰ kəi-mbai ləa mbuna baa-booje’g par gə́ mbɔr mbal gə́ to gə kəmee gə́ maji dum lé. Togə́bè ɓa yeḛ a teḛ ne rudu ndɔ’g ləa kar dəw kára kara la səa el tɔ.

Loo gə́ killa rea kəm Daniel’g 8:9

Gaji da gə́ lam ba uba gel yee gə́ kára’g ndá yee uba ŋgal gə́ kédé-kédé par gə́ dɔkɔl ləm, par gə́ bər ləma, par gə́ ɓee gə́ maji ur dɔ mareeje’g lai ləm tɔ.

Malasi 1:14

Njesukəmloo gə́ bàl nékul ləa aar mbuna mareeje’g nɛ yeḛ yá̰ un nékul gə́ unda ndolè ɓa ar Mbaidɔmbaije ndá ndɔl yoo a nai dəa’g ya. Mbata ma lé m’to gə́ mbai gə́ boo. Njesigənea̰ gə́ njeboo-néje lé ɓa pa bèe. Rim to ɓəl yaa̰ mbuna ginkoji dəwje gə raŋg’g ya.

Malasi 3:12

Ginkoji dəwje gə raŋg lai lé d’a pa pana: Rɔlel nai sə sí ya. Mbata dɔ naŋg lə sí a to ɓee rɔlel. Njesigənea̰ gə́ njeboo-néje lé ɓa pa bèe.

Matiyo 5:35

I a kubu rɔi gə dɔ naŋg nee el mbata dɔ naŋg neelé to nétura-gɔl-kɔm lə Ala tɔ. I a kubu rɔi gə ri Jerusalem el, mbata Jerusalem lé to ɓee-boo lə mbai gə́ boi.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,