Pakɔsje 48:13 - Maktub gə́ To gə Kəmee

¹³ Maji kar sí njaaje guguje gir ɓee gə́ Sio̰ lé ləm, Njaaje dan mee ɓee’g ləm tɔ Ndá turaje kəi-kaar-kɔgərɔje gə́ keneŋ ooje.

Pakɔsje 48:13 ပူးပေါင်းရင်းမြစ်များ

Pakɔsje 122:7

Maji kar loo to lɔm mee gad ndògo-bɔrɔ’g ləi ləm, Maji kar loo to lɔm mee kəi-mbaije’g ləi ləm tɔ.

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Esai 33:20

Aaje loo ooje Sio̰ gərərə, Yee gə́ to ɓee-boo gə́ to loo-ra-naḭje lə sí lé Kəm sí a koo Jerusalem Gə́ to ɓee si lɔm ləm, Gə kəi-kubu gə́ d’a kɔr kaw ne raŋg el ləm, D’a tɔr kag-ɓərəje el saar ləma, D’a tudu kulaje ləa gogo el ləm tɔ.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Ejekel 21:25

A ndaji rəw kára gə mba kar kiambas teḛ ne Rabat, ɓee-boo’g lə Amo̰je ləm, yee gə́ raŋg karee teḛ Juda mee ɓee-boo gə́ Jerusalem gə́ d’ila ndògo-bɔrɔ gugu ne dəa sub lé ləm tɔ.

Joɛl 1:3

Ɔrje soree arje ŋgan síje ləm, Arje ŋgan sí-seḭje kara d’ɔr soree D’ar ŋgan dee-deḛje ləma, Mba kar ŋgan deeje kara d’ɔr soree D’ar njéboakojije lə na̰ gə́ d’orè goo dee ləm tɔ.

Amɔs 9:11

Mee ndəa’g neelé n’a kun ɓeeko̰ lə Dabid Gə́ to asəna gə kəi gə́ oso lé Kuree tar lée’g gogo ləm, N’a gɔl kəmee gə́ ta̰ ləm, N’a gɔl néje gə́ tuji keneŋ Kunda dee tar lée’g ɗaŋg ləma, N’a rəa sigi to gə́ to ne keneŋ ləw lé ləm tɔ.

Tel tura Godndu 11:19

Seḭ a ndooje ŋgan síje taree ləm, seḭ a kula deeje taree loo gə́ seḭ síje mee kəije’g lə sí ləm, gə loo gə́ seḭ awje mbá’g ləm, gə loo gə́ seḭ a toje naŋg ləma, gə loo gə́ seḭ a k’ḭje tar ləm tɔ.