Pakɔsje 46:2 - Maktub gə́ To gə Kəmee

² Ala to loo-kula-dɔ sí keneŋ gə négəd rɔ sí dɔ’g ləm, Yeḛ to njela sə sí gə́ uba sí ya̰ sí dan néurti’g gɔl kára kara el ləm tɔ.

Pakɔsje 46:2 ပူးပေါင်းရင်းမြစ်များ

2 Samel 22:3

Ala ləm tɔ biri mbal ləm Gə́ m’iŋga ne njo̰loo-kula-dɔm keneŋ. Yeḛ to dər-rɔ ləm gə́ m’a maji ne ləm, Gə loo ləm gə́ to tar sab gə́ m’ula dɔm keneŋ ləm tɔ.

Pakɔsje 142:6

Njesigənea̰, i nja ɓa m’ɔr ndum m’no̰ ne wəl gə́ rɔi’g ya. Ma m’pana: I lé to gə́ njo̰loo-kula-dɔ ləm ya, I to né gə́ wɔji dɔm-ma ya dɔ naŋg’g lə deḛ gə́ d’isi kəmba.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 23:4

Loo gə́ m’njaa mee wəl-yoo gə́ ndul’g lé ndá M’a ɓəl némajel kára kara keneŋ el Mbata i nja nai səm, Ɗuguru-kag gə kag-ɗugu gə́ to jii’g lé Ar məəm oso ne naŋg po̰.

Pakɔsje 27:3

Ɓó lé njérɔje d’aḭ dɔm sub gə mba rɔ səm ndá Meem a ɓəl né kára kara el, Ɓó lé rɔ ḭ gə mba tujim kara M’a si gə meekulɔm ya.

Pakɔsje 28:7

Njesigənea̰ to siŋgam ləm, Yeḛ to dər-rɔ ləm ləm tɔ. Ma m’ɔm məəm dəa’g ndá M’iŋga ne njela səm ya, M’aw gə boo-rɔlel dɔɓəŋgərəm’g ləm, M’ɔs pa m’pidee ne ləm tɔ.

Pakɔsje 37:39

Kaji lə njémeekarabasurje lé ḭ rɔ Njesigənea̰’g, Yeḛ to njekaḭ bada dɔ dee’g dan néurti’g tɔ.

Pakɔsje 59:17

Ma lé m’a kɔs pa kɔr ne sor siŋgamoŋ ləi, Un kudee teḛ gə ndɔ rad saar lé M’a pidii kɔr ne sor meemaji ləi lé ya, Mbata i lé to gadloo gə́ to tar sab Gə́ m’ula rɔm keneŋ ləm, I to njo̰loo-kula-dɔm Ndɔ néurti’g ləm lé ya ləm tɔ.

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Pakɔsje 82:5

Deḛ lé kəmkàr əsé gosonégər lə dee godo ləm, Deḛ njaa dan loondul’g ya ləm tɔ, Bèe ɓa loo gə́ dɔ naŋg nee lai yə ne.

Pakɔsje 91:2

M’ula Njesigənea̰ m’pana: Yeḛ nja gə́ njo̰loo-kula-dɔm keneŋ ləm, Yeḛ nja gə́ kəi-kaar-kɔgərɔ gə́ m’ula rɔm keneŋ ləma, Yeḛ nja gə́ Ala ləm gə́ m’ɔm məəm dəa’g ləm tɔ.

Jeremi 14:8

I ɓa Israɛlje d’unda meḛ dee yel dɔi’g ləm, I ɓa gə́ njekaji dee ndɔ néurti’g ləm tɔ, See mbata ɗi ɓa i tel rɔi Asəna gə dəw-dɔ-ɓee mee ɓee’g nee Esé tel rɔi gə́ mbá Gə́ andə mee ɓee’g Gə mba to keneŋ til’g bèe wa.

Nahum 1:7

Njesigənea̰ to njemaji dum. Yeḛ to loo-kiya-rɔ pḛ́ ndɔ néurti’g. Deḛ gə́ d’ɔm meḛ dee dəa’g lé yeḛ aa dɔ dee kər-kər.

Matiyo 21:21

Jeju ila dee keneŋ pana: Ma m’ula sí təsərə, ɓó lé seḭ awje gə meekun gə́ seḭ maḭje gə rɔ sí dɔ’g el ndá né gə́ ra gə kodé neelé gə karee ba ɓa seḭ a raje el, nɛ ɓó lé mbal gə́ boo nee nja ɓa a kulaje pajena: Ɔr rɔi gə ŋgirai oso dan baa-boo’g nee kara né neelé a to togə́bè ya.

Lugu 21:33

Dara gə naŋg nee d’a dəs wuduru gə lèlé ba, nɛ ta ləm a kudu nda̰ el.

Ǝbrəje 13:6

Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.