Pakɔsje 45:7 - Maktub gə́ To gə Kəmee

⁷ Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Pakɔsje 45:7 ပူးပေါင်းရင်းမြစ်များ

1 Mbaije 19:16

Jehu, ŋgolə Nimsi kara i a kwa dəa gə ubu kundá ne gə́ mbai lə Israɛlje, tɔɓəi i a kwa dɔ Elije, ŋgolə Sapat gə́ si Abel-Mehola gə ubu mba kundá gə́ njetegginta tori’g tɔ.

Pakɔsje 101:8

Teḛ gə ndɔ rad gə ndɔje kára-kára lai lé M’a kar njémeeyèrje lai gə́ mee ɓee’g neelé D’udu guduru ya Ɓó gə mba tuji ne deḛ lai gə́ to njéra né kori-korije Mee ɓee-boo’g lə Njesigənea̰ lé pugudu-pugudu ya.

Pakɔsje 11:7

Mbata Njesigənea̰ lé to njemeekarabasur ya Né gə́ to gə dɔ najee lé ɓa taa kəmee rəgm. Deḛ gə́ to njéra nédanaje lé d’a kaa kəmee gərərə ya.

Pakɔsje 2:2

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé.

Pakɔsje 21:6

La gə́ i la səa lé ar rɔnduba ləa to ne yaa̰, I dolè gə riɓar gə boo-ronduba tɔ.

Pakɔsje 33:5

Meekarabasur gə néra gə́ danasur lé Yeḛ unda dee dan kəmee’g, Meemaji lə Njesigənea̰ lé Taa dɔ naŋg nee yal-yal tɔ.

Pakɔsje 89:20

Yen ɓa i pa ne ta ar majikojije d’oo ne né gə́ mḭdi pana: N’aw n’la gə bao-siŋgamoŋ lé N’ɔr basa kára mbuna koso-dəwje’g ya.

Pakɔsje 89:26

N’a kar jia ɔn dɔ baa-boo-kad ləm, Jikɔlee a ko̰ dɔ mán baaje ləm tɔ.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Ləbije 8:12

Yeḛ tər ubu gə́ ka̰ kunda ne né gə kəmee lé dɔ Aaro̰’g mba kundá ne gə kəmee tɔ.

Matiyo 3:15

Jeju tel ilá keneŋ pana: Ya̰ am m’ra togə́bè ya mba kar sí n’tɔl ne ta né gə́ to gə dɔ najee lé bém. Yen ŋga Ja̰ yá̰ aree rəa togə́bè ya.

Matiyo 7:23

Yen ŋga m’a kula dee kəm dəwje’g təsərə pana: Ɔdje tam’g gə́ raŋg, seḭ lai gə́ toje njéra némajelje lé, kəm kara m’ila dɔ sí’g ndɔ kára bèe el.

Lugu 13:27

Yeḛ a kila sí keneŋ pana, ma m’ula sí təsərə, ma m’gər loo gə́ ḭje keneŋ el. Seḭ njéra némajelje lai lé ɔdje ne tam’g gə́ gogo.

Lugu 3:22

ar Ndilmeenda nar asəna gə dərnda ree si dəa’g. Ndu dəw ɓar gə́ par gə́ dara wəl pana: I lé to Ŋgonəm gə́ gəd-gəd gə́ m’undai dan kəm’g, i taa kəm rəgm ya.

Tagə́maji gə́ Ja̰ ndang 1:16

Jeḛje lai lé n’taaje meemaji ləa gə́ taa rəa pəl-pəl ləm, gə noji gə́ orè dɔ maree-maree ləm tɔ.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Néra Njékaḭkulaje 2:28

I ar neḛ n’gər kila-rəwje gə́ ka̰ kisi ne kəmba lé gao ləm, Koo gə́ n’ooi no̰ neḛ’g lé kara a kar neḛ nda ne mee neḛ kaḭ ya ləm tɔ.

Njé gə́ Rɔmə 8:29

Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Ǝbrəje 1:9

I lé unda meekarabasur dan kəmi’g nɛ néra gə́ yèr lé i ə̰ji bəḭ-bəḭ, Gelee gə́ nee ɓa, əi Ala, gə́ to Ala ləi lé Wa ne dɔi gə ubu gə́ ka̰ rɔlel Undai ne gə kəmee unda kuramarije.

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.

1 Samel 16:13

Samel un ubu gə́ ku-gaji-da’g lé ndá yeḛ wa ne dəa mbuna ŋgakea̰je’g tɔ. Ndil Njesigənea̰ dəb dɔ Dabid’g un kudee mee ndəa’g neelé saar gə́ kédé tɔ. Samel ḭ tel aw Rama.