Pakɔsje 45:3 - Maktub gə́ To gə Kəmee

³ I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Pakɔsje 45:3 ပူးပေါင်းရင်းမြစ်များ

Maktub gə́ wɔji dɔ Jɔb 1:16

Loo gə́ yeḛ aw pa təa’g bèe-bèe ya ɓəi ndá yeḛ gə́ raŋg teḛ təsərə ree ula Jɔb pana: Pər lə Ala ḭ dara oso ɓugu dɔ badə-kosoje’g roo dee gə kuraje ləi na̰’d dula-dula, nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Pakɔsje 104:1

Ŋgaw məəm, maji kari unda no̰ dɔkaisəgərə lə Njesigənea̰! Njesigənea̰, Ala ləm, boo ləi rudee godo. Né gə́ bə̰dərə bə̰ gə boo-ronduba lé I dolè ne rɔi yul-yul.

Pakɔsje 145:12

Gə mba kar dəwje gər ne siŋgamoŋ ləi ləm, Gə rɔnduba gə́ maji dum gə́ ka̰ ko̰ɓee ləi ləm tɔ.

Pakɔsje 145:5

Boo-ronduba ləi gə́ maji dum lé M’a pa taree ləm, Néraije gə́ maji dum lé kara M’a kɔs ne pa ya ləm tɔ.

Pakɔsje 21:5

Yeḛ dəjii kəmə mba si kəmba ndá I aree ya ləm, I aree si kəmba saar-saar gə no̰ ya ləm tɔ.

Pakɔsje 21:7

I aree to né tɔr ndu dɔ’g saar gə no̰ ləm, I dəaa gə rɔlel gə́ al dɔ loo sula nɔḭ’g ləm tɔ.

Pakɔsje 96:6

Néje gə́ ndɔḭ mbənənə-mbənənə gə boo-ronduba daa na̰ nea̰’g ləm, Siŋgamoŋ gə rɔnduba taa loo mee kəi’g ləa gə́ to gə kəmee lé pəl-pəl ləm tɔ.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Pa gə́ ur dɔ paje 5:13

Kwɔjeje to d’asəna gə dɔ bai gə́ ma̰a néje Gə́ ə̰də sululu keneŋ bèe ləm, Gə́ puduje gə́ ə̰də sululu to keneŋ yaa̰ ləm tɔ, Teaje to asəna gə pudu ndujaje Gə́ ubu timbá ndəi keneŋ bèe.

Esai 49:2

Yeḛ ar tam adə to gə́ kiambas bèe ləm, Yeḛ o̰ dɔm gə jia ləm tɔ, Yeḛ telm gə́ ndo̰ ɓandaŋg gə́ adə njel-njel ləm, Yeḛ iyam kɔrɔg mee ku ɓandaŋg’g ləa ləm tɔ.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Njé gə́ Rɔmə 14:9

Mbata Kristi wəi ləm, yeḛ tel si kəmba ləm tɔ gə mba to ne mbai dɔ dəwje gə́ d’wəi ləm, gə deḛ gə́ d’aw kəmba ləm tɔ.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Ǝbrəje 8:1

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.

Jude 1:25

yeḛ nja ɓa gə́ Ala kára ba kiao, gə́ j’aji ne gin Jeju Kristi Mbaidɔmbaije lə sí lé maji kula rɔnduba dəa’g ləm, gə maji karee ur dɔ dəwje’g lai ləm, maji karee dum dɔ loo gə siŋgamoŋ ləa kédé par-par gə ɓasinè ləma, gə saar-saar gə no̰ ləm tɔ. Amen!

Loo gə́ killa rea kəm Ja̰’g 1:16

Kéréméje siri to jikɔlee’g. Kiambas gə́ ŋgaŋgee joo gə́ adə làm-làm teḛ təa’g. Kwɔjee ndɔḭ wər-wər asəna gə kàr gə́ ɔs kəḭ-kəḭ bèe.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Loo gə́ killa rea kəm Ja̰’g 19:21

Nɛ dɔkal deḛ gə́ nai lé kiambas gə́ teḛ ta yeḛ gə́ sí gir kunda lé tɔl dee. Yelje lai ree d’usɔ dakasrɔ dee d’ar meḛ dee ndan tub-tub tɔ.

Njéga̰g-Rəwtaje 3:16

Ehud ra kiambas gə́ ŋgaŋgee joo gə́ ŋgal as kəmkil dəw kára, tɔɓəi yeḛ tɔ ɓəree’d gel kubuje’g ləa par gə́ dɔkɔl.