Pakɔsje 45:17 - Maktub gə́ To gə Kəmee

¹⁷ Ŋganije d’a taa tor bɔbije-je ləm, I a kunda dee gə́ mbaije gə́ njékaa dɔ dəb ɓeeko̰je lai ləm tɔ.

Pakɔsje 45:17 ပူးပေါင်းရင်းမြစ်များ

Pakɔsje 138:4

Ǝi Njesigənea̰, mbaije lai gə́ dɔ naŋg nee D’a pidii loo gə́ d’oo taje gə́ teḛ tai’g lé!

Pa gə́ ur dɔ paje 6:9

Dərnda ləm-ma, njema̰də dum ləm lé To gə́ karee ba kiao. Yeḛ to ŋgon kára lə kea̰je, Yeḛ to ŋgon gə́ njekojee ɔr kəmee ɓəd dan njé gə́ raŋg’d. Ŋgama̰dje d’ée ndá deḛ ɓaree njerɔlel, Denéje lə mbaije gə gamla-denéje kara Pidee ləm tɔ.

Esai 59:21

Njesigənea̰ pana: Aa ooje, manrɔ gə́ ma man ne rɔm m’ar dee ɓa nee: Ndiləm gə́ ɔm dɔ sí’g lé ləm, gə taje ləm gə́ m’ɔm ta sí’g ləm tɔ lé d’a lal ta sí el ləm, d’a lal ta ŋgan síje el ləma, d’a lal ta ŋgan meḛ ŋgan síje el ləm tɔ, un kudee ɓasinè saar gə no̰. Njesigənea̰ ɓa pa bèe.

Esai 61:9

D’a gər ginkoji dee mbuna ginkoji dəwje gə raŋg’g ləm, Gə ŋgaka deeje mbuna koso-dəwje’g ləm tɔ. Deḛ lai gə́ d’a koo dee lé D’a gər gao To gə́ deḛ to gə́ ginkoji dəwje Gə́ Njesigənea̰ tɔr ndia dɔ dee’g.

Esai 62:3

I a to dɔgugu-ronduba meḛ ji Njesigənea̰’g ləm, Gə jɔg-mbai meḛ ji Ala’g lé ləi ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Matiyo 26:13

Ma m’ula sí təsərə, loo gə́ rara gə́ dɔ naŋg nee gə́ d’a gə kila mber tagə́maji keneŋ lé ndá d’a kɔr sor né gə́ dené ra səm neelé mba kar meḛ dee olé ne dəa’g ya.

1 Njé gə́ Kɔrḭtə 11:26

Tɔgərɔ ya, loo gə́ rara gə́ seḭ o̰ muru neelé ləm, gə aije ne mee ŋgo-kai-né’g neelé ləm tɔ ndá seḭ ilaje ne mber kwəi lə Mbaidɔmbaije saar areeje ree ne ya.