Pakɔsje 45:15 - Maktub gə́ To gə Kəmee

¹⁵ Deḛ ree səa no̰ mbai’g Gə kubuje ləa gə́ d’ɔs təa ləm, Ŋgama̰d mareeje gə́ to njédan géeje’g kara D’aw sə dee rɔi’g ləm tɔ.

Pakɔsje 45:15 ပူးပေါင်းရင်းမြစ်များ

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 51:11

Togə́bè ɓa deḛ gə́ Njesigənea̰ uga dɔ dee lé D’a tel ree, D’a tel ree Sio̰ gə pa kun baŋga ta dee’g Ndá rɔlel gə́ to gə no̰ a to dɔ dee’g asəna gə dɔgugu bèe, Kalrɔ gə rɔlel d’a ree pər gə́ rɔ dee’g ləm, Meeko̰ gə tuma̰ ŋgururu-ŋgururu d’a sané pá ləm tɔ.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Ejekel 16:10

Neḛ n’ari ula kubuje gə́ d’ɔs ndaji ta’g ləm, n’ula négɔl ndar gə́ ndər gɔli’g ləm tɔ, tɔɓəi neḛ n’tɔ ɓəri gə ta-kubu gə́ d’ṵji gə kúla palégal ləm, n’ila kubu gə́ bḭ-maji dɔi’g ləm tɔ.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé

Loo gə́ killa rea kəm Ja̰’g 3:12

Yeḛ gə́ a kun baŋga ndá m’a karee to gaji ŋgɔ-kag gəd kəi-Ala ləm ləm, m’a karee nai keneŋ gə no̰ ɓó a teḛ kaw raga el ləm tɔ. M’a ndaŋg ri Ala ləm rəa’g ləm, gə ri ɓee lə Ala gə́ to Jerusalem gə́ sigi gə́ ḭ dara ɓee lə Bɔm ɓa ree naŋg nee rəa’g ləma, gə rim-ma gə́ sigi rəa’g ləm tɔ.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.