Pakɔsje 45:13 - Maktub gə́ To gə Kəmee

¹³ Yen ɓa njé gə́ Tir gə́ to bao-nékiŋgaje unda mar deeje lé D’a ree ne gə nékarje kari kila ne kəmi toro’g.

Pakɔsje 45:13 ပူးပေါင်းရင်းမြစ်များ

1 Mbaije 5:15

Iram, mbai gə́ Tir ula kuraje ləa rɔ Salomo̰’g mbata yeḛ oo to gə́ d’wa dəa gə́ ubu d’undá ne gə́ mbai tor bɔbeeje’g mbata kédé lé Iram ndigi Dabid yaa̰ ya.

Pa gə́ ur dɔ paje 7:1

Tel ree, tel ree Ŋgoma̰də gə́ Sunem, Gə́ tel ree ar sí j’ooje kəmi! See ban ɓa seḭ aaje loo ooje ŋgoma̰də gə́ Sunem To gə́ kudu njéndamje gə́ joo bèe wa.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Matiyo 5:16

Maji kar néndogó lə sí kara ndogó kəm dəwje’g jol-jol. Bèe ɓa d’a koo néra maji lə sí ndá d’a kula ne rɔnduba dɔ Bɔ síje gə́ si dara lé ya.

Lugu 11:40

Seḭ mbə-dəwje! dəw gə́ njera gir né gə́ raga lé see to njera mée gə́ kəi el wa.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 2:29

Jib gə́ kojikəi ɓa gə́ Jib gə́ gəd ya. Kinja tamɔd gə́ kojikəi ɓa gə́ kinja tamɔd gə́ gəd ya tɔ. To né gə́ wɔji dɔ meḛ dəw ɓó wɔji dɔ darəa gə́ raga puduru el. Riɓar lə Jib neelé ḭ rɔ Ala’g ɓó ḭ rɔ dəwje’g el.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.