Pakɔsje 44:4 - Maktub gə́ To gə Kəmee

⁴ Mbata kiambas lə dee ɓa deḛ taa ne ɓee el ləm, Kag ji dee ɓa aji dee el ləm tɔ, Nɛ to jikɔli gə kag ji gə́ ɓar mèr-mèr ləm, To kəmi gə́ ndogó wər-wər ləm tɔ ɓa d’aji ne Mbata i unda dee dan kəmi’g.

Pakɔsje 44:4 ပူးပေါင်းရင်းမြစ်များ

Pakɔsje 111:6

Yeḛ riba dɔ siŋgamoŋ lə kula reaje ar koso-dəwje ləa Loo gə́ yeḛ ar dɔ naŋg lə ginkoji dəwje gə raŋg tel to ka̰ dee-deḛ lé.

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Pakɔsje 42:8

Ɓul mán ɓar ɓul mán maree Loo gə́ kaa manje ləi ɓar, Paŋgəm-manje ləi gə ɓul manje ləi lai dəs dɔm’g ya.

Pakɔsje 74:12

Ala to mbai ləm un kudee kédé gə́ ləw saar ɓasinè, Yeḛ nja ɓa gə́ njegelkaji lə dəwje gə́ dɔ naŋg nee.

Pakɔsje 89:18

I nja to rɔnduba lə siŋgamoŋ lə dee ləm, Mbɔl dɔ meemaji ləi ɓa ar siŋga sí tel ḭ ne dɔ maree’g ləm tɔ.

Teḛ-Raga 15:6

Ǝi Njesigənea̰, jikɔli tɔji loo-siŋgamoŋ ləi ləm, Ǝi Njesigənea̰, jikɔli ɓa rəd njéba̰je ləi lé naŋg mbə̰ji-mbə̰ji ləm tɔ.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Mark 1:31

Jeju rəm pər gə́ rəa’g ndá yeḛ wa jia unee ne uree tar ar rɔko̰ lé ḭ dəa’g kə̰geŋ ndá yeḛ ḭ ra né ar dee d’usɔ.

Mark 1:41

Mee Jeju aw taḭ-taḭ ndá yeḛ ula jia ɔrɔ ne rɔ dəw neelé pana: Ma m’ndigi səi ya, maji kar rɔi tel ɔr ɓə̰dərə-ɓə̰dərə ya.

Mark 9:25

Loo gə́ Jeju oo boo-dəwje gə́ d’ula ménénḛ́ gə́ dəa’g neelé ndá yeḛ ndaŋg ndil gə́ yèr neelé paḭ, ulá pana: I ndil gə́ yèr gə́ njegwɔskudu ləm, gə njembikudu ləm tɔ lé ma nja m’pa gə ndum m’ulai, teḛ mee ŋgon’g gə́ raga ndá i a tel kandə mée’g gogo el saar ya.

Tel tura Godndu 7:19

Boo néje gə́ to ɓəl ləm, gə némɔrije gə nédumkooje ləma gə ji siŋgamoŋ lə Ala lə sí gə́ Njesigənea̰ gə́ ula ndiŋ loo gə́ yeḛ ar sí undaje ne loo mee ɓee gə́ Ejiptə teḛje lé seḭ ooje gao ya, yee ɓa Ala lə sí gə́ Njesigənea̰ a ra togə́bè ya to gə koso-dəwje lai gə́ seḭ ɓəl deeje lé.

Tel tura Godndu 7:8

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.

Jujé 24:12

M’ula kṵdarasje no̰ sí’g, m’ar dee tuba deḛ gə́ to mbaije lə Amɔrje gə́ joo lé, ɓó to kiambas lə sí-seḭ el ləm, to ɓandaŋg lə sí-seḭ ɓa seḭ tuba deeje ne el tɔ.