Pakɔsje 44:3 - Maktub gə́ To gə Kəmee

³ Ji siŋgamoŋ ləi gə́ ɓar mèr-mèr lé I tuba ne ginkoji dəwje gə raŋg Ya̰ loo unda dəwje ləi keneŋ ləm, I tɔl ginkoji dəwje gə raŋg Ya̰ loo ar dəwje ləi taa loo keneŋ pəl-pəl ləm tɔ.

Pakɔsje 44:3 ပူးပေါင်းရင်းမြစ်များ

2 Samel 7:23

See ginkoji dəwje gə́ ra ɓa tana gə koso-dəwje ləi gə́ Israɛl wa. I Ala ree uga dɔ dee mba kar dee to koso-dəwje ləi ləm, gə mba kar rii ɓar ne ləma, mba ra ne némɔrije gə néje gə́ to ɓəl kədm-kədm mbata maji lə deḛ gə ɓee lə dee ləm tɔ loo gə́ i tuba ginkoji dəwje gə raŋg gə magəje lə dee no̰ koso-dəwje’g ləi gə́ i uga dɔ dee mee ɓee’d gə́ Ejiptə lé.

2 Sôrta Gḭka Israɛlje 20:7

Ǝi Ala lə sí, see to i nja ɓa tuba koso-dəwje gə́ mee ɓee’g neelé no̰ koso-dəwje ləi gə́ Israɛl ya̰ ne loo ar ŋgaka Abrakam gə́ d’undai dan kəm dee’g lé gə no̰ el wa.

Pakɔsje 111:6

Yeḛ riba dɔ siŋgamoŋ lə kula reaje ar koso-dəwje ləa Loo gə́ yeḛ ar dɔ naŋg lə ginkoji dəwje gə raŋg tel to ka̰ dee-deḛ lé.

Pakɔsje 17:7

Maji kari nduba meemaji ləi gə́ raga, I gə́ njekaji deḛ gə́ saŋg njo̰loo-kula-dɔ dee rɔi’g lé ləm, I gə́ ɔr dee ji njéba̰je’g lə dee gə jii gə́ ɓar mèr-mèr lé ləm tɔ.

Pakɔsje 20:6

Jeḛ j’a kal rɔ sí mbata kaji ləi, Nékun-baŋga lé j’a kun tar gə ri Ala lə sí tɔ, Néje lai gə́ i ndiŋga lé Njesigənea̰ a ndigi səi dɔ’g.

Pakɔsje 4:6

Nékinjaməs gə́ gə goo rəbee lé Maji kar sí injaje ndá Ɔmje ne meḛ sí jəb-jəb dɔ Njesigənea̰’g.

Pakɔsje 42:11

Loo gə́ njékula kəm ndooje d’ula sul dɔm’g Ar dee d’ulam ne lal kwa ta dee kəw pana: See Ala ləm si ra ɓəi wa. Ndá siŋgarɔmje d’iri ne njigi-njigi.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 74:11

See gelee ban ɓa i ɔm jii kaari’g bèe wa. Maji kari wa jii gə́ tar tuji dee ne.

Pakɔsje 77:15

I lé to Ala gə́ njera néje gə́ dumkoo ya ləm, Siŋgamoŋ ləi lé i riba dəa gə́ raga mbuna koso-dəwje’g ləm tɔ.

Pakɔsje 78:55

Yeḛ tuba ginkoji dəwje gə raŋg no̰ dee’g Ya̰ ɓee lə dee kai dee gə́ nédɔji lə dee ləm, Yeḛ ar ginkoji Israɛlje lé d’isi mee kəi-kubuje’g lə dee ya ləm tɔ.

Pakɔsje 80:16

Aḭ bada dɔ né gə́ jikɔli ma̰a’g lé ləm, Gə dɔ ŋgon gə́ i nja ɔree kəmi’g lé ləm tɔ.

Pakɔsje 80:9

I ɔr kag-nduú mee ɓee gə́ Ejiptə ləm, I tuba ginkoji dəwje gə raŋg lé ləm tɔ Ndá ya̰ tor dee ma̰a nduú lé keneŋ.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Esai 63:12

Yeḛ lé gəd jikɔl Moyis Gə kag ji rɔnduba ləm, Yeḛ kai mán dana no̰ dee’g Gə mba kar riɓar ləa to ne saar-saar gə no̰ ləm tɔ.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Bula lə Israɛlje 14:8

Ɓó lé mee Njesigənea̰ lelee dɔ sí’g ndá yeḛ a teḛ sə sí mee ɓee’g neelé ləm, yeḛ a karee to ka̰ sí ləm tɔ: to ɓee gə́ mbà gə ubu tə̰ji to keneŋ yaa̰.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

Tel tura Godndu 10:15

Lé bèe kara to bɔ síje-je ya ba ɓa Njesigənea̰ ɔm sə dee na̰’d gə mba kunda dee dan kəmee’g, tɔɓəi goo dee-deḛ’g lé to ŋgaka deeje, yee ɓa to seḭ gə́ yeḛ mbər sí mbuna koso-dəwje’g lai to gə́ seḭ ooje ne ɓogənè lé ya.

Jujé 24:12

M’ula kṵdarasje no̰ sí’g, m’ar dee tuba deḛ gə́ to mbaije lə Amɔrje gə́ joo lé, ɓó to kiambas lə sí-seḭ el ləm, to ɓandaŋg lə sí-seḭ ɓa seḭ tuba deeje ne el tɔ.

Jujé 3:10

Togə́bè ɓa Juje ula dee pana: Né neelé ɓa a kar sí gərje to gə́ Ala gə́ njesikəmba si mbuna sí’g ləm, yeḛ a gə tuba Kana̰je, gə Hetje, gə Hebje, gə Peresje, gə Girgasije, gə Amɔrje, gə Yebusje lé no̰ sí’g ləm tɔ.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.