Pakɔsje 43:3 - Maktub gə́ To gə Kəmee

³ Maji kari ula gə lookàr ləi gə meenda londoŋ ləi am! Maji kar dee d’ɔr nɔm ləm, Maji kar dee d’onm par gə́ dɔ mbal’g ləi gə́ to gə kəmee ləma, Gə par gə́ loo-sije’g ləi ləm tɔ!

Pakɔsje 43:3 ပူးပေါင်းရင်းမြစ်များ

2 Samel 15:20

I lé tagə́nè ba ya ɓa ree ɓəi ndá ɓogənè m’a kɔri kari aw sə sí gə́ yo gə́ nee loo gə́ ma nja kara m’gər loo-kabm gəd bèe el ɓəi. Maji kari tel ndá ar ŋgakɔḭje d’aw səi na̰’d. Maji kar Njesigənea̰ ra səi meemaji gə meenda londoŋ ya.

2 Samel 15:25

Mbai ula Sadɔk pana: Maji kari tel gə sa̰duk-manrɔ lə Ala aw ne mee ɓee-boo’g. Ɓó lé ma m’taa kəm Njesigənea̰ ndá yeḛ a tel səm kam m’oo sa̰duk-manrɔ neelé gə kəi-siée ndɔ gə́ gogo ɓəi.

1 Sôrta Gḭka-Israɛlje 16:1

Loo gə́ deḛ ree gə sa̰duk-manrɔ lə Ala mba̰ ndá d’unda dan mee kəi-kubu gə́ Dabid la wɔji ne dəa tɔɓəi deḛ d’inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ no̰ Njesigənea̰’g.

1 Sôrta Gḭka-Israɛlje 16:39

Yeḛ unda Sadɔk, njekinjanéməs gə ŋgakea̰je gə́ to njékinjanéməsje no̰ kəi-kubu-si-Njesigənea̰ gə́ to dɔ loo gə́ ndəw gə́ to Gabao̰

1 Sôrta Gḭka-Israɛlje 21:29

Nɛ kəi-kubu-si-Njesigənea̰ gə́ Moyis unda dɔdilaloo’g ləm, gə loo-nékinjaməs gə́ ka̰ roo né keneŋ ləm tɔ lé to loo gə́ ndəw gə́ to Gabao̰ ya.

Pakɔsje 119:105

Ta ləi lé to gə́ pərŋgel gə́ ndogó kila gɔlmje’g ləm, To gə́ lookàr gə́ àr njai-njai dɔ kila-rəw’g ləm ya ləm tɔ.

Pakɔsje 143:10

Maji kari ndoom gə mba karm m’ra né gə́ məəi wɔji ɓa, Mbata i lé to Ala ləm. Maji kar ndili onm gə́ rəw gə́ danasur’g ya.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 3:4

Nɛ i Njesigənea̰ lé I nja to dər-rɔ ləm, I nja ɓa gə́ gin rɔnduba ləm ndá I unda ne dɔm gə́ tar ya.

Pakɔsje 36:9

Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Pakɔsje 40:11

Meekarabasur ləi lé M’lɔm dəa məəm’g el, Kankəmta ləi gə ta kaji ləi lé M’pa taree ndaa-loo’g ya, Meemaji ləi gə meenda londoŋ ləi lé M’iya dɔ dee loo-mbo̰-dɔ-na̰’d gə́ boo lə koso-dəwje el.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 46:4

Loo gə́ paŋgəm manje tuga puguju-puguju ar əmə dee uba ŋgug-ŋgug ləma, Ar manje nee d’ḭ d’ar mbalje yə ɓugu-ɓugu ləm tɔ kara Jeḛ m’ɓəl el.

Pakɔsje 57:3

Ma m’ra né gə ndum gə́ boi wəl M’ɓar ne Ala gə́ to Njekurdɔloo’g, M’ɓar ne Ala gə́ to njera né la ne səm.

Pakɔsje 57:4

Yeḛ a kar né gə́ a gə la səm ḭ dara ree am m’aji ne, Loo gə́ njekula kəm ndòo ɔsm ɓɔḭ-ɓɔḭ lé, Ala a kula gə meemaji ləa gə ŋgonkoji ləa kam m’oo.

Pakɔsje 78:68

Nɛ yeḛ ɔr kəm ginkoji lə Juda ləm, Gə mbal gə́ Sio̰ gə́ yeḛ unda dan kəmee’g ləm tɔ.

Pakɔsje 84:1

Pakɔs lə Koréje gə́ d’ar bao-pa mba karee ɔs sə dee lé. D’ɔs gə nékim gə́ ɓaree gitit.

Pakɔsje 97:11

Lookàr to mbata njéra nédanaje ləm, Rɔlel to mbata deḛ gə́ meḛ dee to kára ba sur ləm tɔ.

Misee 7:20

I a riba dɔ meenda londoŋ ləi kar Jakob ləm Gə dɔ meenoji ləi kar Abrakam ləm tɔ To gə́ i man ne rɔi ar bɔ síje-je kédé gə́ ləw lé ya tɔ.

Misee 7:8

Seḭ njéba̰je lə sí lé, maji kar sí alje rɔ sí Wɔjije ne dɔ síjeḛ el Mbata jeḛ j’oso ya Nɛ j’a kḭje ta ɓəi. Ɓó lé j’isi dan loondul’g kara Njesigənea̰ a to lookàr lə sí ɓəi.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 1:4

Kəmə lé ḭ rəa’g tɔɓəi kəmə lé to lookàr gə́ àr dɔ dəwje’g.