Pakɔsje 43:2 - Maktub gə́ To gə Kəmee

² I Ala ləm gə́ njekaḭ bada dɔm’g lé See ban ɓa m’aw dan meeko̰’g Gin kula kəm loondoo’g lə njeba̰ lé wa.

Pakɔsje 43:2 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Pakɔsje 140:7

Ma m’ula Njesigənea̰ lé m’pana: I lé to Ala ləm ya. Njesigənea̰, maji kari ur mbii oo ne ndum Gə́ m’ra ne ndòo rɔi’g.

Pakɔsje 28:7

Njesigənea̰ to siŋgam ləm, Yeḛ to dər-rɔ ləm ləm tɔ. Ma m’ɔm məəm dəa’g ndá M’iŋga ne njela səm ya, M’aw gə boo-rɔlel dɔɓəŋgərəm’g ləm, M’ɔs pa m’pidee ne ləm tɔ.

Pakɔsje 31:4

Mbata i to biri mbal ləm ya, I to kəi-kaar-kɔgərɔ ləm ləm tɔ, I a kɔr nɔm, I a kaa dɔm gə mba kar rii ɓar ne.

Pakɔsje 42:10

Ma m’ula Ala gə́ to biri mbal ləm m’pana: See ban ɓa yeḛ ar mée wəi dɔm’g wa. See ban ɓa ma m’aw dan meeko̰’g Gin kula kəm loondoo’g lə njeba̰ lé wa.

Pakɔsje 42:9

Dan kàrá ndá Njesigənea̰ wa səm noji, Loondul kara m’ɔs pa m’pidee ne ləm, M’ra tamaji ta Ala gə́ to gin si kəmba ləm ləm tɔ.

Pakɔsje 44:9

Jeḛ lé ndɔje kára-kára lai jeḛ ndubaje rɔ sí kà gə ri Ala ləm, J’a kɔsje gaji rii saar-saar gə no̰ ya ləm tɔ.

Pakɔsje 71:9

Maji kari ilam kɔ ndɔ ɓugam’g el ləm, Loo gə́ siŋgam rəm lé ndá kara Ubam ya̰’m gə mbəa el ləm tɔ,

Pakɔsje 77:7

M’ə̰ji dɔ pakɔsje’g ləm loondul’g lé ləm, Ma m’ə̰ji taree məəm’g ləma, M’la̰ji toree məəm’g ləm tɔ.

Pakɔsje 88:15

Njesigənea̰, see gelee ban ɓa i ɔsm ne rəw wa. Esé see gelee ban ɓa i iya kəmi səm ɓəi wa.

Pakɔsje 94:14

Mbata Njesigənea̰ lé Uba dəwje ləa lé ya̰ dee el ləm, Deḛ gə́ to nédɔji ləa lé kara Yeḛ uba dee ya̰ dee gə goo ŋgalee el ləm tɔ

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Esai 45:24

Dəwje d’a kulam pana: Néra gə́ danasur gə siŋgamoŋ lé To rɔ Njesigənea̰’g ya kára ba ɓa. Deḛ lai gə́ meḛ dee ḭ sə dee pu dəa’g lé D’a tel ree rəa’g ndá Rɔkul a ra dee.

Jakari 10:12

Mbɔl dɔ Njesigənea̰ lé N’a kar siŋga dee ḭ ne dɔ maree’g ləm, D’a kaw ne kəm dee gə́ kédé-kédé gə ria-yeḛ ləm tɔ, Njesigənea̰ ɓa pa bèe.

Njé gə́ Epesə 6:10

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.