Pakɔsje 42:9 - Maktub gə́ To gə Kəmee

⁹ Dan kàrá ndá Njesigənea̰ wa səm noji, Loondul kara m’ɔs pa m’pidee ne ləm, M’ra tamaji ta Ala gə́ to gin si kəmba ləm ləm tɔ.

Pakɔsje 42:9 ပူးပေါင်းရင်းမြစ်များ

Pakɔsje 13:1

Pa lə Dabid gə́ ar bao-pa mba karee ɔs sə dee lé.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 28:1

Pakɔs lə Dabid Njesigənea̰, i nja ɓa m’ila boo ndum naŋg m’ɓari ne wəl. I gə́ to biri mbal ləm lé, Maji kari ɔs mbii jigi udu dɔ ndum’g el Nà banelə ɓó lé i sa rɔi rɔm’g rəw lal kilam ta’g ndá M’a tel to kasəna gə deḛ gə́ d’uru bwa-dɔɓar’g bèe.

Pakɔsje 38:6

Néra mbə ləm lé Ar ta dooje ləm ndum oso yii ə̰də mbo̰.

Pakɔsje 43:2

I Ala ləm gə́ njekaḭ bada dɔm’g lé See ban ɓa m’aw dan meeko̰’g Gin kula kəm loondoo’g lə njeba̰ lé wa.

Pakɔsje 55:3

Maji kari oo ndum ndá ilam keneŋ! Ma lé m’ila tar m’aw yo-yo nee-nee Dan némeeko̰’g ləm ar məəm pélé ne wəs-wəs,

Pakɔsje 62:2

Oiyo, loo si lɔm ləm lé To mbɔr Ala’g lé ya kára ba, Yeḛ nja ɓa gə́ njegin kajim gə́ m’aji ne.

Pakɔsje 77:9

See gin meemaji ləa gaŋg ŋgaji ŋga wa. See ta ləa udu guduru saar gə no̰ wa.

Pakɔsje 78:35

D’ar meḛ dee olé dɔ Ala gə́ to biri mbal lə dee ləm, Dɔ Ala gə́ to Njekurdɔloo gə́ to njetaa dɔ dee lé ləm tɔ.

Pakɔsje 88:9

I lé ar baokuraje ləm d’ubam d’ya̰’m gə goo ŋgalee ya ləm, I nja am m’tel m’to né gə́ to kḛji kəm dee’g ləma, Némeeko̰je d’aḭ dɔm sub Am m’askəm teḛ keneŋ gə dɔrɔm el ləm tɔ.

Pakɔsje 92:3

Maji kila mber meemaji ləi lé Teḛ gə ndɔ rad ya ləm, Meenda londoŋ ləi lé kara Maji pa taree loondulje’g ya ləm tɔ

Njekillamber 4:1

Tɔɓəi ma m’aa loo ndá ma m’oo nékəmndooje lai gə́ ra gə na̰ dɔ naŋg nee ndá Aa oo, no̰ wa deḛ gə́ d’ula kəm dee ndòo lé jiim Nɛ dəw gə́ njegɔl meḛ dee godo! Njékula kəm dee ndooje Ra sə dee né kədərə yaa̰ Nɛ njegɔl meḛ dee godo!

Esai 40:27

Seḭ ŋgaka Jakob lé see ban ɓa seḭ paje bèe wa. Seḭ Israɛlje lé see ban ɓa seḭ paje pana: Né gə́ wɔji dɔ sí lé Iya rəa kəm Njesigənea̰’g ləm, Né gə́ kəm kar sí j’iŋgaje lé Dəs no̰ Ala’g lə sí lal karee oo ləm tɔ ɓa paje bèe wa.

Esai 49:15

See mee dené a kwəi dɔ ŋgonee gə́ aw il mbəaa’g wa. See a lal kar mée aw taḭ-taḭ dɔ ŋgonee gə́ ḭ mée’g wa. Ɓó lé yeḛ ar mée wəi dəa’g kara Ma ɓa yḛ̀ m’a kar məəm wəi dɔ sí’g nda̰ el,