Pakɔsje 41:9 - Maktub gə́ To gə Kəmee

⁹ Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Pakɔsje 41:9 ပူးပေါင်းရင်းမြစ်များ

2 Samel 15:12

Loo gə́ Absalɔm si inja nékinjanéməsje ndá yeḛ ula kula ɓee-boo gə́ Gilo ɓar Ahitopel, dəw gə́ Gilo gə́ to njekwɔjita-kəmkàr Dabid lé. Yen ŋga ko̰ njuma̰ lə dee lé siŋgá tel to yaa̰ ar bula lə koso-dəwje gə́ d’aw goo Absalɔm’g lé ḭ dɔ maree’d gə́ kédé-kédé.

Maktub gə́ wɔji dɔ Jɔb 19:13

Yeḛ ar ŋgakɔmje d’unda rɔ dee ŋgərəŋ rɔm’g ləm, Ar baokuraje ləm kara sa rɔ dee rəw rɔm’g ləm tɔ.

Maktub gə́ wɔji dɔ Jɔb 19:19

Deḛ gə́ m’ɔm məəm dɔ dee’g d’oom gə́ né gə́ to kḛji, Deḛ gə́ m’unda dee dan kəm’g ya tel d’ɔsm rəw.

Pakɔsje 101:3

M’a kar némajel kára kara to nɔm’g el, Néra njékaiyaje lé to kḛji kəm’g, Néra deeje lé m’a tibi mbɔree el.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Abdias 1:7

Deḛ lai gə́ d’ɔm sə sí na̰’d lé Deḛ korə sí njal Teḛ sə sí rəw-nim-ɓee’g ləm, Baokuraje lə sí kara Su kəm sí dum ne dɔ sí ləma, Deḛ gə́ d’o̰ muru lə sí kara D’iya gumje no̰ sí’g ləm tɔ Nɛ kəm sí inja dɔ’g ar sí gərje el ya saar.

Misee 7:5

Maji kar sí ɔmje meḛ sí dɔ baokuraje’g lə sí el ləm, Ǝsjeta dɔ njékṵda sí dan kəm dee’gje el ləm tɔ. Deḛ gə́ seḭ sə deeje toje mee kəi’g lé Maji kar sí ŋgəmje ta sí no̰ dee’g.

Matiyo 26:23

Jeju ila dee keneŋ pana: Yeḛ gə́ ula jia səm mee ka-nésɔ’g lé yeḛ neelé nja ɓa gə́ njekun dɔm ya.

Tagə́maji gə́ Ja̰ ndang 13:18

Ta gə́ m’pa neelé m’pa m’wɔji ne dɔ sí lai el, deḛ gə́ ma m’ɔr dee lé m’gər dee gao. Nɛ lé riri kara maji kar ta nee gə́ to mee maktub gə́ to gə kəmee lé aw lée’g béréré ya gə goo taree gə́ pana: Yeḛ gə́ njeko̰ səm muru lé ya ɓa tel ɔr gɔlee ubam ne kən

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.