Pakɔsje 41:2 - Maktub gə́ To gə Kəmee

² Rɔlel nai gə yeḛ gə́ ə̰ji dɔ njendoo’g lé! Ndɔ nékəmndoo ndá Njesigənea̰ a kɔree danee’g kilá tar ya.

Pakɔsje 41:2 ပူးပေါင်းရင်းမြစ်များ

Pakɔsje 27:12

Maji kari ilam ji njéba̰je’g ləm Gə mba kar dee ra səm né gə́ meḛ dee ndigi lé el, Mbata njékɔrgoota gə́ ŋgɔmje d’ḭ səm, Deḛ to dəwje gə́ d’əmə kəmə néra gə́ kərm-kərm ɓa dɔm’g.

Pakɔsje 33:19

Gə mba kɔr dee ne ta yoo’g ləm, Gə mba kar dee d’isi ne kəmba dan ɓoo-boo’g ləm tɔ.

Pakɔsje 37:22

Deḛ gə́ Njesigənea̰ tɔr ndia dɔ dee’g lé Dɔ naŋg lé tel to gə́ ka̰ dee-deḛ ya, Deḛ gə́ yeḛ ila ndɔl dɔ dee’g lé D’udu bo̰.

Gosota-Kəmkàrje 11:17

Dəw gə́ njemeemaji lé Ra gə rəa-yeḛ ya meemaji, Nɛ dəw gə́ njera né gə́ bɔsɔsɔ lé Ula kəm rəa-yeḛ ya ndòo.

Gosota-Kəmkàrje 14:21

Yeḛ gə́ oo maree gə́ né el ndá ra kaiya, Nɛ rɔlel nai gə yeḛ gə́ oo kəmtondoo lə njéndooje.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Gosota-Kəmkàrje 31:20

Yeḛ ula jia ndiŋ la ne gə njenékəmndoo ləm Yeḛ ula jia ndiŋ la ne gə njendoo ləm tɔ.

Jeremi 39:17

Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Tel tura Godndu 14:29

Bèe ɓa Ləbije gə́ d’iŋga sə sí né ka̰ dee əsé nénduba el lé ləm, gə dəw-dɔ-ɓeeje ləm, gə ŋganalje ləma, gə njékəisiŋgaje ləm tɔ, gə́ d’isi mee ɓee’g lə sí lé d’a sɔ karee as dee nag-nag gə mba kar Ala lə sí gə́ Njesigənea̰ tɔr ne ndia dɔ sí’g gə dɔ kulaje lai gə́ seḭ raje gə ji sí lé tɔ.

1 Timote 4:8

Kwa Ala məəi’g gə goo rəbee lé ɓa maji kari aar keneŋ jigiri, mbata ndɔji ŋgira rɔi lé to gə́ né ya, nɛ maji ɔr njal el, kwa Ala məəi’g gə goo rəbee gə́ i aar keneŋ jigiri ra lé maji ɔr njal ya. Yee ɓa wɔji dɔ kəmə gə́ j’isi ne kəmba ɓasinè ləm, gə yeḛ gə́ a gə teḛ ləm tɔ.

Rudu 2:19

Memeeje dəjee pana: See loo gə́ ra ɓa i wa ɓuru keneŋ yaa̰ bèe wa. See loo gə́ ra ɓa i ra kula keneŋ wa. Maji kar ndutɔr nai gə yeḛ gə́ ə̰ji dɔi’g bèe lé ya. Rudu lé ula məmeeje ri dəw gə́ yeḛ ra kula mee ndɔ’g ləa lé pana: Dəw gə́ m’ra kula mee ndɔ’g ləa lé ria lə Boaj.