Pakɔsje 41:1 - Maktub gə́ To gə Kəmee

¹ Pa lə Dabid gə́ ar bao-pa mba karee ɔs sə dee lé

Pakɔsje 41:1 ပူးပေါင်းရင်းမြစ်များ

Pakɔsje 112:9

Yeḛ ya̰ meḛ jia tag wa ne noji gə njéndooje pə-pə ləm, Meekarabasur ləa to saar gə no̰ ləma, Rɔnduba lé d’a kula dəa’g ləm tɔ.

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Pakɔsje 37:19

Deḛ ra rɔkul ndɔ nékəmndoo’g el ləm, Loo gə́ ɓoo-boo oso kara nésɔ as dee nag-nag ləm tɔ.

Pakɔsje 37:26

Yeḛ oo kəmtondoo ta-ta ndá Ar dee ndimá ne né, Ŋgakeaje d’iŋga ne ndutɔr ya.

Gosota-Kəmkàrje 14:21

Yeḛ gə́ oo maree gə́ né el ndá ra kaiya, Nɛ rɔlel nai gə yeḛ gə́ oo kəmtondoo lə njéndooje.

Gosota-Kəmkàrje 16:14

Meekḭ jugugu lə mbai lé To njekaḭkula lə yoo, Nɛ njekəmkàr lé aree wəi bèm.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Njekillamber 12:1

Nɛ ar məəi olé dɔ njekundai’g mee ndɔje gə́ i nai ne basa ɓəi kédé ɓa kar ndɔje gə́ majel ree ɓəi ləm, kar ləbje gə́ d’a gə ree lé i a pa pana: Né gə́ leli godo keneŋ ləm,

Jeremi 39:17

Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Mark 14:7

mbata njéndooje lé d’isi sə sí gə ndɔ dee ndɔ dee ya, ɓó lé seḭ ndigi raje sə dee meemaji ndá seḭ a raje sə dee ya tɔ, nɛ ma lé m’a gə si sə sí gə ndɔm-ndɔm el.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

Njé gə́ Galati 2:10

Ta kára ba gə́ d’ula sí lé to mba kar sí j’ar meḛ sí olé dɔ njéndooje’g j’oo ne kəmtondoo lə dee, yee ɓa m’ɔs rɔm ɓad gə mba ra ya.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

Rudu 2:19

Memeeje dəjee pana: See loo gə́ ra ɓa i wa ɓuru keneŋ yaa̰ bèe wa. See loo gə́ ra ɓa i ra kula keneŋ wa. Maji kar ndutɔr nai gə yeḛ gə́ ə̰ji dɔi’g bèe lé ya. Rudu lé ula məmeeje ri dəw gə́ yeḛ ra kula mee ndɔ’g ləa lé pana: Dəw gə́ m’ra kula mee ndɔ’g ləa lé ria lə Boaj.