Pakɔsje 40:17 - Maktub gə́ To gə Kəmee

¹⁷ Maji kar dee-deḛ lai gə́ ndolè gooi D’isi dan boo-rɔkal’g ləm, ra rɔlel dɔi’g ləm tɔ! Maji kar deḛ gə́ d’unda kaji ləi dan kəm dee’g Pa taree lal kwa ta dee pana: Njesigənea̰ nja to gə́ boo!

Pakɔsje 40:17 ပူးပေါင်းရင်းမြစ်များ

Pakɔsje 109:22

Ma lé m’to gə́ njenékəmndoo gə njendoo ləm, Ŋgaw məəm lé iŋga doo ləm tɔ.

Pakɔsje 34:4

Maji kar sí ɔsje səm gaji Njesigənea̰! Maji kar síjeḛ lai j’ilaje riɓar dɔ ria’g to!

Pakɔsje 34:6

Loo gə́ dəw tel kəmee par gə́ rəa’g ndá Kəmee ndɔḭ wər-wər gə rɔlel Ɓó rɔkul wa kəmee el.

Pakɔsje 35:27

Deḛ lai gə́ d’al rɔ dee mbata ta wa dɔm el lé Maji kar dee d’iŋga rɔlel gə boo-rɔkal ləm, Maji kar dee pa lal kila ta dee naŋg pana: Maji kula rɔnduba dɔ Njesigənea̰’d Gə́ ndigi kar kura ləa si dan meelɔm’g lé.

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Pakɔsje 54:4

Ǝi Ala, maji kari oo ndu tamaji ləm, Ur mbii oo ne taje gə́ teḛ tam’g lé ya tɔ.

Pakɔsje 69:33

Njénékəmndooje lé d’oo ndá d’al ne rɔ dee ya. Seḭ gə́ saŋgje Ala Maji kar meḛ sí to kəmba ya!

Pakɔsje 70:5

Maji kar dee-deḛ lai gə́ ndolè gooi lé D’isi dan rɔkal’g gə dan boo-rɔlel’g ləi ya, Deḛ gə́ d’unda kaji ləi dan kəm dee’g lé kara Maji kar dee pa taree lal kwa ta dee kəw pana: Ala nja to gə́ boo ya!

Pakɔsje 86:1

Tamaji lə Dabid. Njesigənea̰, ur mbii gèŋ ɓó gə́ ilam keneŋ, Mbata ma lé m’to gə́ njendoo gə njenékəmndoo ya.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 41:17

Njénékəmndooje gə njéndooje lé Saŋg mán ndá d’iŋga el, Ta dee tudu kurum-kurum Mbata kṵdaman gə́ tɔl dee Ndá ma Njesigənea̰ m’a koo ndu no̰ lə dee, Ma Ala lə Israɛlje m’a kuba dee kya̰ dee nda̰ el.

Matiyo 8:20

Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

2 Njé gə́ Kɔrḭtə 8:9

Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.

Ǝbrəje 13:6

Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

1 Piɛrə 2:23

Deḛ tajee nɛ yeḛ tel taji dee gogo el ləm, deḛ rəa meeyèr nɛ yeḛ tel gə́ ta gə́ yèr ila dee keneŋ el ləm tɔ. Nɛ yeḛ ya̰ rəa ar yeḛ gə́ njekɔrkəmta gə goo rəbee lé.

1 Piɛrə 5:7

Néje lai gə́ pélé meḛ sí wəs-wəs lé odoje ɓuguje dəa’g mbata yeḛ nja to njekaa dɔ sí kər-kər.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.