Pakɔsje 4:4 - Maktub gə́ To gə Kəmee

⁴ Maji kar sí ooje to gə́ Njesigənea̰ Mbər dəw gə́ njemeemaji lé, Njesigənea̰ lé loo gə́ m’ra né wəl gə́ rəa’g ndá Yeḛ oo ndum ya tɔ.

Pakɔsje 4:4 ပူးပေါင်းရင်းမြစ်များ

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Pakɔsje 119:161

Mbaije lé d’ula kəm ndòo lal né gə́ bèe, Nɛ ma lé taje ləi ya kára ba ɓa m’ndəb ndəbee.

Pakɔsje 17:6

Ǝi Ala, ma lé m’ɓar rii mbata i oo ndum, Maji kari ur mbii gə́ rɔm’g oo ne ta ləm.

Pakɔsje 2:11

Maji kar sí raje né arje Njesigənea̰ Ɓəleje ne ləm, Alje rɔ sí ndəbje ne pəd-pəd nea̰’g ləm tɔ.

Pakɔsje 3:2

Wai Njesigənea̰! Njéba̰je ləm bula dum dɔm! Koso-dəwje gə́ d’ḭ səm kara dum dɔm ya to!

Pakɔsje 3:4

Nɛ i Njesigənea̰ lé I nja to dər-rɔ ləm, I nja ɓa gə́ gin rɔnduba ləm ndá I unda ne dɔm gə́ tar ya.

Pakɔsje 33:8

Maji kar naŋg nee lai-lai ɓəl Njesigənea̰! Dəwje lai gə́ d’isi keneŋ kara Maji kar dee ndəb pəd-pəd nea̰’g tɔ.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 63:6

I nja a taa məəm pəl-pəl kar rɔm lelm ne yaa̰ Asəna gə́ nésɔ gə́ lel tam’g jula-jula. Ndu rɔlel a ɓar tam’g njiriri-njiriri Kam m’pidii ne gə tam ya.

Pakɔsje 77:6

Ma m’ə̰ji dɔ ndɔje gə́ ləw’g lé ləm, Gə dɔ ləbje gə́ kédé gə́ dɔtar’g lé ləm tɔ.

Gosota-Kəmkàrje 16:17

Rəw-kaw dəwje gə́ danasur lé To kya̰ goo majel, Yeḛ gə́ tɔs kəmee bao-bao dɔ rəa’g lé Aa ne dɔ rəw-kabee kər-kər.

Gosota-Kəmkàrje 16:6

Mbɔl dɔ meemaji gə ŋgonkoji ɓa D’ɔr ne ta néra gə́ majel dɔ dəw’g ləm, Mbɔl dɔ ɓəl gə́ dəw ɓəl Njesigənea̰ lé ɓa Yeḛ ya̰ ne goo majel ləm tɔ.

Gosota-Kəmkàrje 3:7

Maji kari oo rɔi gə́ njekəmkàr el, Ɓəl Njesigənea̰ ndá Unda rɔi ɓad dɔ néra gə́ majel’g.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

2 Njé gə́ Kɔrḭtə 13:5

Tenje meḛ sí-seḭ nja gə mba koo, see seḭ síje gə meekun nja ɓəi wa. Urje meḛ sí seḭ nja ooje. See seḭ ooje to gə́ Jeju Kristi to meḛ sí’g lé el wa. Nà mbata banelə kur gə́ seḭ urje meḛ sí lé a tel kila ne boo-rɔkul dɔ sí’g.

Njé gə́ Epesə 4:26

Ɓó lé oŋg ḭ sə sí ndá raje ne kaiya el ləm, arje kàr andə sí dɔ oŋg’g lə sí el ləm tɔ.