Pakɔsje 39:7 - Maktub gə́ To gə Kəmee

⁷ Tɔgərɔ ya, dəw lé aw tar Asəna gə ndil né gə́ dəs bèe ləm, Yeḛ ula rəa ndubu nɛ ra pi, Yeḛ mbo̰ néje dɔ na̰’d Nɛ yeḛ gər dəw gə́ a gə to njea lé el.

Pakɔsje 39:7 ပူးပေါင်းရင်းမြစ်များ

Gḭ-Néje 49:18

Ǝi Njesigənea̰, ma m’ŋgina kaji ləi!

Maktub gə́ wɔji dɔ Jɔb 13:15

Aa oo, yeḛ a tɔlm, nékṵdamee-yel dɔ’g ləm godo, Nɛ nea̰-yeḛ’g lé m’a kɔr ta gə́ wɔji dɔ panjaam ya.

Maktub gə́ wɔji dɔ Jɔb 14:2

Yeḛ nduba rəa to gə́ pudu bèe ndá gəḭ, Yeḛ ɔd aw to gə́ ndil kag gə́ sané pá bèe.

Pakɔsje 119:166

Ǝi Njesigənea̰, ma lé m’unda məəm yel gə́ dɔ kaji’g ləi ya ləm, Godnduije lé kara m’ra née ya ləm tɔ.

Pakɔsje 119:81

M’ndiŋga rɔm gə mba teḛ dɔ kaji’g ləi ləm, M’unda məəm yel gə́ dɔ ndukun’g ləi lé ya ləm tɔ.

Pakɔsje 38:15

Ma lé m’to asəna gə dəw gə́ oo ta el Ndá yeḛ oo loo kila maree ta’g el tɔ.

Pakɔsje 49:11

Mbata d’a kée ya, njékəmkàrje d’wəi ləm, Mbə-dəw gə njegərnéel kara udu guduru ləm tɔ Ndá d’ya̰ némajije lə dee d’ar dəwje gə́ raŋg.

Njekillamber 2:21

Mbata dəw gə́ togə́bè gə́ ra kula gə kəmkàr gə goso-gər-gin-né teḛ ne kɔr ɓa ya̰ kandə nékula ləa ar dəw gə́ ra kula keneŋ el ɓa gə́ kea̰. Yee neelé to gə́ né gə́ kari ba ləm, to némajel gə́ boo ya ɓəi ləm tɔ!

Njekillamber 4:8

To gə́ dəw si gə karee ba Lal njekorè dəa gə́ raŋg joo ləm Lal ŋgonee gə́ diŋgam əsé ŋgokea̰ ləm tɔ. Né ləa kara godo ləm Rudu kulaje ləa lai kara un el ləm Nébaoje ləa kara as kəmee el ləm tɔ. See gə mbata lə na̰ ɓa m’ra ne kula M’ɔg ne rɔm dɔ nérɔlelje’g wa. Lé bèe kara yee neelé To gə́ né gə́ gə mḭdé ba ya ɓəi ləm, To né gə́ majel ləm tɔ.

Lugu 2:25

Dəw kára si Jerusalem ria lə Simeo̰. Yeḛ to dəw gə́ njemeekarabasur ləm, gə njekwa Ala lé mée’g ləm tɔ. Yeḛ ŋgina né gə́ a kar meḛ Israɛlje to lɔm lé ləm, Ndilmeenda dəb dəa’g bigim ləm tɔ.

Njé gə́ Rɔmə 15:13

Maji kar Ala gə́ njemeekṵdayel lé ar nérɔlel’g gə ria-ria ləm, gə némeelɔm’g gə ria-ria ləm tɔ lé taa meḛ sí pəl-pəl gə goo meekun’g lə sí, gə mba kar mbɔl dɔ siŋgamoŋ lə Ndilmeenda ɓa meekundayel lə sí a kɔs ne dɔ maree’g gə́ kédé-kédé.