Pakɔsje 39:5 - Maktub gə́ To gə Kəmee

⁵ Njesigənea̰, maji kari ulam, See ndɔ ka̰da ɓa m’a kɔr suna rəw ləm wa. Maji kari tura ndɔmje am Gə mba karm m’gər to gə́ siŋgam to yɔgɔ ba

Pakɔsje 39:5 ပူးပေါင်းရင်းမြစ်များ

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

2 Samel 19:34

Mbai ula Barjilai pana: Maji kari ree səm ndá m’a kari nésɔ sɔ Jerusalem ɓa.

Maktub gə́ wɔji dɔ Jɔb 7:6

Ndɔje ləm dəs kalaŋ to gə́ nékunji-kubu lə njekunji-kubu bèe, Deḛ sané pa: Loo kunda meeyel dɔ dee’g godo!

Pakɔsje 144:4

Dəw lé to asəna gə kṵji kəmə gə́ teḛ pugudu bèe ləm, Ndɔje ləa kara to asəna gə ndil kag gə́ dəs bèe ya ləm tɔ.

Pakɔsje 39:11

Maji kari tel gə ndəije ləi dɔm’g gə́ raŋg! Jii gə́ undam neelé ɔsm naŋg ŋgɔsɔrɔ.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Pakɔsje 89:47

Ǝi Njesigənea̰, see ndɔ gə́ ra ɓa i a kunda ŋgaŋ kiya rɔi wa. See ndɔ gə́ ra ɓa oŋg ləi a kəw ko̰ to gə́ pər bèe wa.

Pakɔsje 90:12

Maji kari ndoo sí gə mba kar sí n’gərje loo tura ndɔje lə sí, Yen ɓa j’a kwa ne meḛ sí kɔgərɔ Gə mba ndoo ne kəmkàr gə́ doŋgɔ.

Njekillamber 1:2

Njekilamber lé pana: Né gə́ mḭdé ba, néje lai-lai to néje gə́ gə mḭdé ba ya.

Njekillamber 2:11

Tɔɓəi ma m’tən kulaje lai gə́ jim ɓa ra ləm, gə rɔm gə́ m’ula ndubu gə mba ra tɔl bém ləm tɔ lé ndá aa oo, néje lai neelé to néje gə́ kari ba, to kaiŋgwɔd goo lel’g. Néje lai gə́ dəwje ra dɔ naŋg neelé majee gə́ gəd gə́ d’a kiŋga lé kára kara godo.

Esai 40:17

Ginkoji dəwje gə raŋg lai lé to gə́ né gə́ kari ba nea̰’g ləm, Deḛ to gə́ néje gə́ gə mḭdé ba Gə́ to gə́ né el ləm tɔ.

Maktub gə́ Jak ula ne ar ngan-Allaje 4:14

Né gə́ a teḛ dɔ sí’g bèlè lé seḭ gərje el! Mbata see ɗi ɓa gə́ kəmə lə sí wa. Seḭ toje asəna gə kṵji mán gə́ teḛ sa gi-gi, nɛ waga ba ndá tel sané kad bèe tɔ.

2 Piɛrə 3:8

Seḭ gə́ ma m’unda sí dan kəm’g lé ta kára nee ɓa ma m’ndigi kar meḛ sí wəi dɔ’g el: No̰ Mbaidɔmbaije’g lé ndɔ gə́ kára ba lé to asəna gə ləb gə́ tɔl-dɔg kəmee’g ləm, ləb gə́ tɔl-dɔg lé to asəna gə ndɔ gə́ kára ba kəmee’g ləm tɔ.