Pakɔsje 39:13 - Maktub gə́ To gə Kəmee

¹³ Njesigənea̰, maji kari oo tamaji ləm ya ləm, Ur mbii oo ne ndu no̰ ləm ya ləm tɔ. Maji kar ma̰-no̰je ləm kuli gə́ mán el! Mbata ma m’to gə́ mbá mee kəi’g ləi ləm, Ma m’to gə́ njedəstar to gə́ bɔmje-je lai bèe ləm tɔ.

Pakɔsje 39:13 ပူးပေါင်းရင်းမြစ်များ

Gḭ-Néje 42:36

Bɔ deeje gə́ Jakob lé ula dee pana: Seḭ amje lal ŋganəmje! Jisəb godo ləm, Simeo̰ godo ləm tɔ ndá seḭ ndigije taaje Bḛjami kawje səa tɔ. Néje neelé dum dɔm.

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

Gḭ-Néje 5:24

Enok lé njaa gə Ala ndá godo mbata Ala nja unee.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

1 Sôrta Gḭka-Israɛlje 29:15

Jeḛ j’isi nɔḭ’g asəna gə mbáje gə njédə̰tarje to gə́ bɔ síje-je lai bèe, ndɔ si kəmba lə sí dɔ naŋg nee to asəna gə ndil kag bèe ndá nékunda mee yel dɔ’g kára kara godo.

Maktub gə́ wɔji dɔ Jɔb 7:19

See ndɔ gə́ ra ɓa i a kəw rɔi korè kəmi sḭ dɔm’g wa. See ndɔ gə́ ra ɓa i a kya̰ loo karm m’uru ne mán tam kəi wa.

Pakɔsje 119:19

Ma lé m’to gə́ mbá dɔ naŋg nee, Bèe ndá maji kari lɔm səm dɔ godnduije lé el.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Ləbije 25:23

Dɔ naŋg lə sí lé seḭ a kar deeje ndogo sə sí gə no̰ el, mbata ɓee neelé to kama ləm, seḭ síje səm keneŋ asəna gə dəw-dɔ-ɓeeje bèe ləm tɔ.