Pakɔsje 39:12 - Maktub gə́ To gə Kəmee

¹² I lé ar bo̰ néra dəw ɔs təa’g Gə goo néra kori-korije ləa ləm, Né ləa gə́ maji dum maree lé I tuji to gə́ diri tuji ne né bèe ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 39:12 ပူးပေါင်းရင်းမြစ်များ

Gḭ-Néje 21:34

Abrakam si dɔ naŋg ɓee gə́ lə Pilistije ar kuree əw yaa̰ tɔ.

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

2 Samel 16:12

Banelə Njesigənea̰ a koo kəmtondoo ləm gə mba ra səm meemaji tor ndɔlje gə́ d’ila dɔm’g ɓogənè ɓəi.

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

1 Sôrta Gḭka-Israɛlje 29:15

Jeḛ j’isi nɔḭ’g asəna gə mbáje gə njédə̰tarje to gə́ bɔ síje-je lai bèe, ndɔ si kəmba lə sí dɔ naŋg nee to asəna gə ndil kag bèe ndá nékunda mee yel dɔ’g kára kara godo.

Maktub gə́ wɔji dɔ Jɔb 13:28

Darɔm tel to né gə́ ndum ləm, To asəna gə kubu gə́ dirije d’unda tuŋgu-tuŋgu bèe ləm tɔ.

Maktub gə́ wɔji dɔ Jɔb 16:20

Baokuraje ləm d’undam gə́ nékogo Nɛ Ala ɓa m’ra ndòo rəa’g gə mán-no̰ kəm’g.

Pakɔsje 102:1

Tamaji ra lə njenékəmndoo kára bèe gə́ yeḛ ra loo gə́ némeeko̰ al dəa sula.

Pakɔsje 116:3

Kulaje gə́ ka̰ yoo lé d’aḭ dɔm kɔr-kɔr ləm, Némeekaar kərm gə́ ka̰ bwa-dɔɓar lé ram ləma, Né gə́ too gə némeeko̰ lé d’ubam d’wam kérég ləm tɔ.

Pakɔsje 119:19

Ma lé m’to gə́ mbá dɔ naŋg nee, Bèe ndá maji kari lɔm səm dɔ godnduije lé el.

Pakɔsje 119:54

Godnduije lé ɓa to gə́ gin pakɔsje ləm Gə́ m’ɔs mee kəi gə́ m’isi keneŋ gə́ mbá lé.

Pakɔsje 56:8

Deḛ d’ə̰ji ta meḛ dee’g pana: Mbɔl dɔ néra gə́ kori-korije lə neḛje ɓa N’a teḛje ne ta yoo’g: Ǝi Ala, maji kari jura koso-dəwje neelé naŋg gə goo oŋg ləi.

Pakɔsje 90:9

Ndɔje lə sí lai lé dəs dan oŋg’d ləi, Jeḛ j’ooje ləbje lə sí sané pá To gə́ kaa né gə́ ɓar bèe.

Ləbije 25:23

Dɔ naŋg lə sí lé seḭ a kar deeje ndogo sə sí gə no̰ el, mbata ɓee neelé to kama ləm, seḭ síje səm keneŋ asəna gə dəw-dɔ-ɓeeje bèe ləm tɔ.

2 Njé gə́ Kɔrḭtə 5:6

Bèe ndá j’wa diŋgam meḛ sí’g kɔgərɔ. Jeḛ n’gər gao, loo gə́ jeḛ nai gə darɔ sí bura ɓəi lé loo-si sí to ŋgərəŋ ɓó to mbɔr Mbaidɔmbaije’g dəb el.

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

1 Piɛrə 1:17

Yeḛ gə́ ɔr kəm ta lə nana kara gə goo kula rəa ɓó ɔr kəm dəw el lé ɓó lé seḭ ɓareeje Bɔ síje ndá njaaje gə meekaarkərm loo gə́ seḭ naije gə mbáje dɔ naŋg nee ɓəi.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.