Pakɔsje 38:6 - Maktub gə́ To gə Kəmee

⁶ Néra mbə ləm lé Ar ta dooje ləm ndum oso yii ə̰də mbo̰.

Pakɔsje 38:6 ပူးပေါင်းရင်းမြစ်များ

Maktub gə́ wɔji dɔ Jɔb 30:28

M’isi dan loondul’g ɓó m’isi dan lookàr’g el, Ma m’ḭta loo-mbo̰-dɔ-na̰’g ndá m’no̰ wəl m’ɓar njela səm.

Maktub gə́ wɔji dɔ Jɔb 7:5

Korèje d’aw rɔm’g dèm-dèm ar rɔm wa mḛ̀ŋgḛ̀ŋgḛ̀-mèŋgèŋgḛ̀ ləm, Ndar rɔm ta̰ məs-məs gə tɔr wuyum-wuyum ləm tɔ.

Pakɔsje 107:17

Mbə-dəwje lé panjaa dee ɓa ar ta wa ne dɔ dee ləm, Néra kori-korije lə dee lé Ar dee tel to ne njénékəmndooje ləm tɔ.

Pakɔsje 145:14

Njesigənea̰ lé gəd deḛ lai gə́ toso lé ləm, Deḛ gə́ d’wa koŋgoŋ-koŋgoŋ lé Yeḛ nja ndɔji dee ila dee dana ləm tɔ.

Pakɔsje 31:10

Njesigənea̰, maji kari oo kəm lootondoo’g ya kari Mbata m’isi dan no̰ ndòo’g, Kəm gə ŋgaw məəm gə darɔm bura d’ɔm kúla mbao-mbao Mbata lə néje gə́ d’ar kəm to ne ndòo lé.

Pakɔsje 35:14

M’aw yɔroŋ-yɔroŋ To gə́ m’wa ndòo yoo baokura ləm əsé ŋgokɔm bèe ləm, M’rugu koŋgoŋ gə kəmndoo To gə́ m’wa ndòo yoo kɔm bèe ləm tɔ.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 42:9

Dan kàrá ndá Njesigənea̰ wa səm noji, Loondul kara m’ɔs pa m’pidee ne ləm, M’ra tamaji ta Ala gə́ to gin si kəmba ləm ləm tɔ.

Pakɔsje 43:2

I Ala ləm gə́ njekaḭ bada dɔm’g lé See ban ɓa m’aw dan meeko̰’g Gin kula kəm loondoo’g lə njeba̰ lé wa.

Pakɔsje 57:6

Ǝi Ala, maji kari riba dɔ boo ləi gə́ ur dɔ dara’g ləm, Ar rɔnduba ləi taa dɔ naŋg nee pəl-pəl ləm tɔ.

Pakɔsje 6:6

Dəw gə́ wəi mba̰ lé mée olé dɔi’g el. See na̰ ɓa a kɔs gajii ɓee lə njé gə́ d’wəi’g lé wa.

Pakɔsje 88:9

I lé ar baokuraje ləm d’ubam d’ya̰’m gə goo ŋgalee ya ləm, I nja am m’tel m’to né gə́ to kḛji kəm dee’g ləma, Némeeko̰je d’aḭ dɔm sub Am m’askəm teḛ keneŋ gə dɔrɔm el ləm tɔ.

Esai 38:14

Ma m’no̰ njiriri-njiriri to gə́ ləbm-siri gə́ ḭ nar bèe ləm, Ma m’tuma̰ ŋgururu-ŋgururu to gə́ dərnda bèe ləm tɔ, M’un kəm gə́ dara nɛ kəm to bidig, Ǝi Njesigənea̰, m’isi dan néɓəŋgərə-ti’g, Taam ajim!