Pakɔsje 38:20 - Maktub gə́ To gə Kəmee

²⁰ Njéba̰je ləm lé d’aw njam-njam ləm, Siŋga dee to kɔgərɔ-kɔgərɔ ləm tɔ, Deḛ gə́ d’ḛjim bəḭ-bəḭ lal né gə́ bèe lé kara Bula digi-digi tɔ.

Pakɔsje 38:20 ပူးပေါင်းရင်းမြစ်များ

Pakɔsje 142:7

Maji kari orè mbii ndəŋ dɔ ndu no̰’g ləm ya Mbata ma lé némeeko̰ al dɔm sula. Maji kari taam ji deḛ gə́ korəm’g lé Mbata siŋga dee ur dɔ kama’g ya.

Pakɔsje 25:19

Maji kari oo to gə́ njéba̰je ləm bula yaa̰ ləm, Oo meekɔs ŋgwɔḭ lə deḛ gə́ d’ḛjim bəḭ-bəḭ lé ləm tɔ.

Pakɔsje 35:12

Deḛ tel ra səm majel godə maji gə́ m’ra sə dee’g, Deḛ d’ya̰m gə karm ba.

Pakɔsje 35:19

Maji kar deḛ gə́ to njéba̰je ləm lal né gə́ bèe lé D’al rɔ dee d’wɔji ne dɔm el ləm, Maji kar deḛ gə́ d’ḛjim bəḭ-bəḭ lal né gə́ bèe lé D’ula sul dɔm’g el ləm tɔ.

Pakɔsje 7:4

Njesigənea̰, Ala ləm, Ɓó lé m’ra né togə́bè ləm, Ɓó lé jim ra néra gə́ kori-kori ləm,

Jeremi 18:20

See né gə́ majel a taa godə né gə́ maji wa. Mbata deḛ d’ur bwa nɔm’g mba tɔlm ne. Ar məəi olé dɔ kaar gə́ m’aar nɔḭ’g M’wɔji səi ta gə mbata lə dee Mba kar oŋg ləi tel wəi ne bèm dɔ dee’g.

Matiyo 5:10

Deḛ gə́ mar deeje d’ula kəm dee ndòo mbata néra dee gə́ to gə dɔ najee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Tagə́maji gə́ Ja̰ ndang 10:32

Jeju dəji dee pana: Ma m’ra néraje gə́ maji gə́ ḭ rɔ Bɔm’g bula m’ar sí ooje. See néra gə́ ba̰ ɓəi ɓa seḭ a gə tilamje ne gə kɔri-ər gə mbəa wa.

1 Piɛrə 3:13

Ɓó lé rɔ sí wɔilɔ pélé-pélé dɔ néra gə́ maji’g ndá see na̰ ɓa a ra sə sí né gə́ majel gə mbəa wa.

1 Ja̰ 3:12

Maji kar sí n’to tana gə Kaḭ el mbata yeḛ to ka̰ njegosoyèr gə́ tɔl ŋgokea̰. See gelee ban ɓa yeḛ tɔlee ne wa. Mbata kula reaje majel nɛ ka̰ ŋgokea̰ lé ɓa to gə goo rəbee.

1 Samel 23:12

Dabid dəji Njesigənea̰ ya tɔɓəi pana: See dəwje gə́ Keyila d’a kilam-ma gə njérɔje ləm ji Sawul’g wa. Ndá Njesigənea̰ tel ilá keneŋ pana: D’a kilai jia’g ya.

1 Samel 23:5

Dabid gə dəwje ləa d’ḭ d’aw Keyila ndá deḛ rɔ gə Pilistije. D’ɔr nékulje lə dee ləm, ndum dee mburug-mburug ləm tɔ. Togə́bè ɓa Dabid taa ne dɔ dəwje gə́ d’isi Keyila ya.

1 Samel 25:16

Deḛ lé loondul’g ləm gə dan kàrá ləm lé d’ila rɔ dee ndògo mbata lə sí gə ndɔje lai loo gə́ jeḛ j’isije ne sə dee j’ulje ne koso-nékulje lé.

1 Samel 25:21

Dabid lé pa kédé pana: Tɔgərɔ néje lə dəw nee gə́ ma m’ŋgəm dee dɔdilaloo’g m’ar né kára kara tuji el lé tel to né gə́ kari ba. Nɛ yeḛ ra səm majel tor maji gə́ ma m’ra səa’g.