Pakɔsje 38:12 - Maktub gə́ To gə Kəmee

¹² Baokuraje ləm gə deḛ gə́ gərm kara D’unda rɔ dee ɓad rɔm’g mbata lə doo ləm, Njé’g ləm gə́ pər ya kara D’aar ŋgərəŋ səm ləm tɔ.

Pakɔsje 38:12 ပူးပေါင်းရင်းမြစ်များ

Maktub gə́ wɔji dɔ Jɔb 19:13

Yeḛ ar ŋgakɔmje d’unda rɔ dee ŋgərəŋ rɔm’g ləm, Ar baokuraje ləm kara sa rɔ dee rəw rɔm’g ləm tɔ.

Pakɔsje 10:9

Loo-siée’g lé yeḛ um loo asəna gə toboḭ gə́ to loo-tée’g bèe, Yeḛ um loo mba kuba njenékəmndoo kwá Ɓa yeḛ ɔsee ilá mee ba̰də’g ləa.

Pakɔsje 119:110

Njémeeyèrje lé d’iya gum podé-podé gə mba kwam ne ya, Nɛ m’ndəm əw gə ndukunje ləi el.

Pakɔsje 140:5

Njesigənea̰, maji kari am m’oso ji njémeeyèrje’g el ləm, Aa dɔm kər-kər mbata lə njéra né kərm-kərmje Gə́ d’wɔji-kwɔji kam m’oso lé ləm tɔ.

Pakɔsje 141:9

Ar gum lə deḛ gə́ d’iya gə mbata ləm lé Wam el ləm, Ar kum gə́ njéra némajelje d’umum lé D’wam ne el ləm tɔ.

Pakɔsje 31:12

Njékoma̰ səmje lai telm gə́ nérɔkul gə́ boo ləm, Gə nérɔkul gə́ boo mbata lələm ləma, Gə né gə́ to ɓəl kədm-kədm mbata lə njéboatakəije ləm ləma Gə né gə́ to ɓəl kədm-kədm mbata lə baokuraje ləm ləm tɔ, Deḛ gə́ d’oom raga lé D’aḭ d’unda rɔ dee ŋgərəŋ rɔm’g.

Pakɔsje 35:20

Mbata ta gə́ teḛ ta dee’g lé To ka̰ meelɔm el, Ta sukəmloo ɓa deḛ la̰ji toree meḛ dee’g D’oma̰ ne gə dəwje gə́ d’isi lɔm mee ɓee’g lé.

Pakɔsje 35:4

Deḛ gə́ ndigi kam m’udu lé Maji kar dee d’aw go̰gyo̰-go̰gyo̰ gə rɔkul dɔ dee’g ləm, Deḛ gə́ d’ḛjim bəḭ-bəḭ mba karm m’tuji lé Maji kar dee rəm gogo gə rɔkul dɔ dee’g ya ləm tɔ.

Pakɔsje 41:5

Ma m’pana: Njesigənea̰, maji kari oo kəm lootondoo’g ya kari! Maji kari ajim mbata ma m’ra kaiya m’ɔs ne ta ləi rəw.

Pakɔsje 54:3

Ǝi Ala, maji kari ajim gə goo rii gə́ ɓar ləm, Maji kari ra rəwta ləm gə goo siŋgamoŋ ləi ləm tɔ.

Pakɔsje 69:9

Ma lé m’tel m’to gə́ mbá kəm ŋgakɔmje’g ləm, M’tel m’to dəw-dɔ-ɓee kəm ŋgalə kɔmeje-je’g ləm tɔ.

Pakɔsje 88:9

I lé ar baokuraje ləm d’ubam d’ya̰’m gə goo ŋgalee ya ləm, I nja am m’tel m’to né gə́ to kḛji kəm dee’g ləma, Némeeko̰je d’aḭ dɔm sub Am m’askəm teḛ keneŋ gə dɔrɔm el ləm tɔ.

Gosota-Kəmkàrje 19:7

Njendoo lé ŋgakea̰je lai d’ə̰jee bəḭ-bəḭ, Ŋga ɓəd ɓəi ɓa see baokuraje ləa d’a sa rɔ dee rəw rəa’g el ɓəi wa! Yeḛ ndiŋga rəa mba kwɔji sə dee ta Nɛ deḛ sanéna̰ pə rəa’g.