Pakɔsje 37:9 - Maktub gə́ To gə Kəmee

⁹ Mbata njémeeyèrje lé d’a tuji pugudu, Nɛ deḛ gə́ d’unda meḛ dee yel dɔ Njesigənea̰’g lé Ɓee lé a to ka̰ dee-deḛ ya.

Pakɔsje 37:9 ပူးပေါင်းရင်းမြစ်များ

Pakɔsje 25:13

Dəw neelé a kwa rəa dan maji’g ləm, Ŋgakeaje kara d’a kiŋga ɓee lé gə́ né ka̰ dee ləm tɔ.

Pakɔsje 37:29

Njémeekarabasurje lé D’a kiŋga dɔ naŋg neelé gə́ ka̰ dee-deḛ ya, D’a si keneŋ saar gə no̰.

Pakɔsje 55:23

Maji kari ɔm nékodoje ləi gə́ wɔi dɔ Njesigənea̰’g Ndá yeḛ nja a gədi, Yeḛ a kya̰ loo kar né kára kara yə ŋgira njemeekarabasur lé el.

Gosota-Kəmkàrje 2:21

Mbata dəwje gə́ njéra nédanaje Ɓa d’a si mee ɓee’g ləm, Dəwje gə́ njéra né gə goo rəbeeje lé Ɓa d’a nai keneŋ ləm tɔ.

Esai 57:13

Loo gə́ seḭ a no̰je wəl lé See boo-magpoleje lə sí d’a taa sí kila sí tar wa. Lel gə́ ula lé a kodo deḛ lai kaw sə dee ləm, Kəmə gə́ kila pugudu lé a kodo dee ləm tɔ. Nɛ yeḛ gə́ ɔm mée dɔm’g ndá A kiŋga ɓee lé gə́ né kea̰ ləm, A kiŋga mbal ləm gə́ to gə kəmee gə́ né kea̰ ləm tɔ.

Esai 58:14

I a kiŋga rɔlel gə́ ḭ rɔ Njesigənea̰’g ləm, M’a kuni kaw səi dɔ looje gə́ tar Gə́ duu dɔ ɓeeje ləma, M’a kari al rɔi gə nénduba lə bɔbi Jakob ləm tɔ. Mbata Njesigənea̰ ɓa pa bèe.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Bula lə Israɛlje 26:65

Mbata Njesigənea̰ pa kédé pana: D’a kwəi dɔdilaloo’g kar dəw kára kara a nai el nɛ Kaleb, ŋgolə Jepune ləm, gə Josué, ŋgolə Nun ləm tɔ ɓa d’a nai lé ya.

Tel tura Godndu 5:33

Rəw gə́ Njesigənea̰, Ala lə sí un ndia gə mba kar sí njaaje keneŋ lé seḭ a ndolèje gée gə meḛ sí gə́ kára ba sur, gə mba kar sí síje ne kəmba ləm, mba kar rɔ sí lel sí ne ləma, kar ndɔje lə sí gə́ seḭ a síje ne mee ɓee gə́ seḭ a kiŋgaje gə́ né ka̰ sí lé kuree a kəw ne ləm tɔ.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Jujé 14:9

Mee ndəa’g neelé Moyis man rəa pana: Dɔ naŋg gə́ a kila dabla gɔli keneŋ lé a to nédɔji ləi gə no̰ mbata ləi-i ləm gə mbata lə ŋganije ləm tɔ, mbata i ndolè goo Njesigənea̰, Ala ləi gə məəi gə́ kára ba sur ya.

Loo gə́ killa rea kəm Ja̰’g 5:10

I gɔl dee mbo̰ dee na̰’d gin ɓeeko̰ gə́ kára ba ləm, ar dee to ne njékinjanéməsje gə́ ka̰ Ala ləm tɔ ndá d’a ko̰ɓee dɔ naŋg ne.