Pakɔsje 37:8 - Maktub gə́ To gə Kəmee

⁸ Oŋg gə meekḭ jugugu lé uba dee ya̰ dee, Ar məəi ḭ səi pu el mbata to néra gə́ majel.

Pakɔsje 37:8 ပူးပေါင်းရင်းမြစ်များ

1 Mbaije 11:22

Parao̰ dəjee pana: See ɗi ɓa lali rɔm’g nee ɓa i ndigi tel kaw ne ɓee ləi gə mbəa wa. Yeḛ ilá keneŋ pana: Né kára lalm el nɛ ya̰ loo am m’aw ya.

Maktub gə́ wɔji dɔ Jɔb 18:4

Ǝi Jɔb, i gə́ oŋg ləi tujii pugudu, See kəm kar naŋg tel to dɔ nduba gə mbata ləi-i wa. See kəm kar kɔr mbalje sané d’ya̰ loo-to dee wa.

Maktub gə́ wɔji dɔ Jɔb 5:2

Dəw gə́ gər né el lé tuji dan oŋg’d ləa ləm, Mbə-dəw lé wəi dan meekḭ jugugu’g ləa ləm tɔ.

Pakɔsje 116:11

Loo gə́ m’isi dan néurti’g lé m’pana: Dəwje lai lé to gə́ njésukəmlooje ya.

Pakɔsje 31:22

Maji kar dɔ ri Njesigənea̰ ai səgərə! Mbata yeḛ riba səm dɔ meenoji ləa Am m’isi ne asəna gə dəw gə́ si mee ɓee-boo gə́ d’ula ŋgalaŋ gugu ne dəa bèe.

Pakɔsje 73:15

Ɓó lé m’a gə pa pana: Ma kara m’ndigi pata to gə́ deḛ bèe ndá Nani ɓa m’a kun ne dɔ ginkoji ŋganije.

Gosota-Kəmkàrje 14:29

Yeḛ gə́ ar oŋg ḭ səa kalaŋ-kalaŋ el lé To bao-gosonégər, Nɛ yeḛ gə́ ar oŋg ḭ səa kalaŋ-kalaŋ lé Riba dɔ néra mbə ləa gə́ raga.

Gosota-Kəmkàrje 16:32

Yeḛ gə́ ar oŋg ḭ səa kalaŋ el lé Maji unda bao-rɔ ləm, Yeḛ gə́ to dəw dɔ rəa lé ɓa Maji unda yeḛ gə́ njetaa ɓee-booje ləm tɔ.

Junas 4:1

Né neelé taa kəm Junas el ya saar ndá ar oŋg ḭ səa pu.

Junas 4:9

Ala dəji Junas pana: See oŋg gə́ i ra wɔji ne dɔ roŋ neelé i oo gə́ né gə́ maji ya wa. Yeḛ tel ilá keneŋ pana: Oŋg gə́ m’ra lé m’ra gə goo rəbee ya saar a kas yoom.

Njé gə́ Epesə 4:26

Ɓó lé oŋg ḭ sə sí ndá raje ne kaiya el ləm, arje kàr andə sí dɔ oŋg’g lə sí el ləm tɔ.

Njé gə́ Epesə 4:31

Meekad ləm, gə ba̰ gə́ gə ria-ria ləm, gə oŋg ləm, gə kɔl na̰ gə oŋg ləm, gə tajikil ləma, gə meeyèr gə́ gə ria-ria ləm tɔ lé saneeje dan sí’g kɔ ya.

Njé gə́ Kolosə 3:8

Nɛ ɓasinè lé maji kar sí undaje néje lai neelé ɓad: Oŋg ləm, gə ba̰ ta ləm, gə meeyèr ləm, gə ndá ta gə́ təd ləma, gə ta gə́ ərm gə́ rara kara gə́ askəm teḛ ta sí’g ləm tɔ.