Pakɔsje 37:25 - Maktub gə́ To gə Kəmee

²⁵ M’to basa saar m’ɓuga ne, Nɛ m’oo njemeekarabasur gə́ d’ubá d’yá̰ bèe el ləm, Esé m’oo ŋgakeaje to njéra ndooje ɓa Gə mba kiŋga ne nésɔ dee el ləm tɔ.

Pakɔsje 37:25 ပူးပေါင်းရင်းမြစ်များ

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Maktub gə́ wɔji dɔ Jɔb 15:23

Yeḛ aḭ gə́ yo gə́ nee saŋg muru ləm, Yeḛ gər gao to gə́ loodul to pèrèrè ŋginá ləm tɔ.

Maktub gə́ wɔji dɔ Jɔb 4:7

Maji kari ə̰ji ta məəi’g oo: See dəw gə́ ta wa dəa el gə́ ra ɓa tuji wa. Esé see njéra nédanaje gə́ ra ɓa d’udu guduru wa.

Pakɔsje 109:10

Maji kar ŋganeeje tel to njékilatarje Kar dee to ne njekwɔi né gə kəmndooje ya ləm, Maji kar dee tuba dee kəi-si dee gə́ tuji’g lé Ar dee saŋg ne muru loo gə́ əw’g ləm tɔ.

Pakɔsje 112:2

Ŋgakeaje d’a to njésiŋgamoŋje dɔ naŋg nee ləm, Ginkoji dəwje gə́ njéra nédanaje lé D’a kiŋga ndutɔr ya ləm tɔ.

Pakɔsje 25:13

Dəw neelé a kwa rəa dan maji’g ləm, Ŋgakeaje kara d’a kiŋga ɓee lé gə́ né ka̰ dee ləm tɔ.

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Pakɔsje 59:15

Kàrkemetag gə ndɔje kára-kára lai lé dee tel ree Deḛ ra né meḛ dee’g ŋgɔg-ŋgɔg to gə́ bisije bèe Gugu ne dɔ ɓee-boo lé sub ya.

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Pakɔsje 71:9

Maji kari ilam kɔ ndɔ ɓugam’g el ləm, Loo gə́ siŋgam rəm lé ndá kara Ubam ya̰’m gə mbəa el ləm tɔ,

Pakɔsje 94:14

Mbata Njesigənea̰ lé Uba dəwje ləa lé ya̰ dee el ləm, Deḛ gə́ to nédɔji ləa lé kara Yeḛ uba dee ya̰ dee gə goo ŋgalee el ləm tɔ

Gosota-Kəmkàrje 13:22

Dəw gə́ njemeemaji lé Nénduba ləa to mbata ŋgan meḛ ŋganeeje, Nɛ nébaoje lə njekaiya lé D’unda kul mbata lə njemeekarabasur.

Esai 13:16

D’a kunda ŋgan deeje kəm dee’g ya vaga-vaga tɔl dee ləm, D’a buu mee kəije lə dee buu-buu ləma, D’a kur dɔ denéje’g lə dee ləm tɔ.

Néra Njékaḭkulaje 21:16

Njékwakiláje gə́ na̰je gə́ Sejare lé deḛ d’aw sə sí na̰’d d’unda sí kəi lə Mnaso̰ gə́ to gə́ dəw gə́ dɔgoré-loo gə́ Siprə. To njekwakila gə́ ləw, kəi ləa ɓa j’a gə to keneŋ.

2 Njé gə́ Kɔrḭtə 4:9

d’ula kəm sí ndòo nɛ yeḛ uba sí ya̰ sí pelm el, deḛ kunda sí tila sí nɛ jeḛ n’tuji ne el tɔ.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.