Pakɔsje 37:18 - Maktub gə́ To gə Kəmee

¹⁸ Njéra nédanaje lé Njesigənea̰ gər ndɔje lə dee gao ləm, Nédɔji lə dee kara To saar-saar gə no̰ ya ləm tɔ.

Pakɔsje 37:18 ပူးပေါင်းရင်းမြစ်များ

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 16:11

I a kam m’gər kila rəwje gə́ ka̰ kisi ne kəmba lé gao, Nérɔlelje gə́ d’al dɔ loo sula to nɔḭ’g ləm, Néje gə́ maji dum gə́ to gə no̰ lé To dɔ jikɔli’g ləm tɔ.

Pakɔsje 21:4

Mbata i wa dɔ gɔl nojimeendaje tɔr ne ndui dəa’g ləm, I ula dɔgugu larlɔr gə́ àr ŋgad-ŋgad dəa’g ya ləm tɔ.

Pakɔsje 31:15

Nɛ i nja ɓa m’ɔm məəm dɔi’g, əi Njesigənea̰! Ma m’pana: I to Ala ləm.

Pakɔsje 31:7

Deḛ gə́ d’unda rɔ dee mbo̰-mbo̰ gə́ rɔ magə-poleje’g gə mḭdé ba lé Ma m’ə̰ji dee bəḭ-bəḭ, Nɛ m’ɔm məəm dɔi-i Njesigənea̰’g ya.

Pakɔsje 37:13

Mbaidɔmbaije kogo njemeeyèr lé Mbata yeḛ oo to gə́ ndɔ ləa si ree dəb ŋga.

Pakɔsje 49:5

M’ur mbim gèŋ dɔ gosotaje gə́ d’ula məəm’g ləm, Ndu kṵdu-kag gə́ ɓar lé Am m’un kudu kɔs ne pa ləm tɔ.

Pakɔsje 73:24

Ta kwɔji kəmkàr ləi ɓa i a kɔr ne nɔm ləm, Ndɔ gə́ rudu lé i a taam gə́ rɔi’g dan rɔnduba’g ləi ya ləm tɔ.

Gosota-Kəmkàrje 2:21

Mbata dəwje gə́ njéra nédanaje Ɓa d’a si mee ɓee’g ləm, Dəwje gə́ njéra né gə goo rəbeeje lé Ɓa d’a nai keneŋ ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Matiyo 6:32

Mbata néje gə́ togə́bè lé njépole-magəje ɓa gə́ njésaŋ géeje ya. Nɛ Bɔ síje gə́ si dara lé gər né gə́ seḭ awje ndée gao.

Njé gə́ Rɔmə 5:21

mba kar loo gə́ kaiya o̰ ɓee dɔ dəwje’g lai ar dee d’wəi ne ndá noji gə́ ar dee d’isi ne gə́ njémeekarabasurje lé a taa ɓee rima-rima tɔ, kar dee d’isi ne gə kəmə gə́ gə no̰ lé gin Jeju Kristi, Mbaidɔmbaije’g lə sí lé tɔ.

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

Tel tura Godndu 33:25

Maji kar pəgərəje lə sí To dee gə́ ra dee gə larndul gə larkas ləm, Maji kar siŋga sí To yaa̰ as gə ndɔ si kəmba lə sí béréré ya ləm tɔ!

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

1 Ja̰ 2:25

Ndukun gə́ yeḛ un ar sí lé yee ɓa gə́ kəmə gə́ gə no̰ lé.