Pakɔsje 37:14 - Maktub gə́ To gə Kəmee

¹⁴ Njémeeyèrje lé tɔr kiambasje lə dee sɔlé’g ləm, Deḛ d’ɔr ɓandaŋg lə dee lərərə ləm tɔ Gə mba kur ne njenékəmndoo gə njendoo lé tɔl dee ne ləm, Gə mba goré ne gwɔs dee-deḛ gə́ rəw-kaw dee to gə goo rəbee ləm tɔ.

Pakɔsje 37:14 ပူးပေါင်းရင်းမြစ်များ

Este 5:14

Jeres gə́ dené ləa, gə baokuraje ləa lai d’ulá pana: Maji kari ar dee gɔl kag d’ar ŋgalee as kəmkil dəw rɔ-mi ndá bèlè gə ndɔ maji kari dəji mbai gə mba kar dee ɗar Mardose dɔ’g. Yen ɓa i a kaw gə rɔlel gə mbai lé ɓəi.

Pakɔsje 11:2

Mbata aa ooje, njémeeyèrje lé Kə ɓandaŋgje lə dee mber-mber ləm, D’unda kandə ɓandaŋg lə dee dɔ kúla’g njoroŋ ləm tɔ Gə mba kuru gə goo ŋgəḭ dɔ deḛ gə́ to njéra nédanaje’g.

Pakɔsje 35:10

Siŋgarɔmje lai d’a pana: Njesigənea̰! See na̰ ɓa askəm kɔr njenékəmndoo ji dəw gə́ siŋgá ur dəa’g ləm, Gə njenékəmndoo gə njendoo lé Ji dəw gə́ si tɔr néje ləa rəa’g lé To gə́ i bèe wa.

Gosota-Kəmkàrje 29:10

Dəwje gə́ ta kila məs wa dɔ dee lé D’ə̰ji dəw gə́ njera né gə goo rəbee bəḭ-bəḭ, Nɛ dəwje gə́ njéra nédanaje lé D’aa dəa kər-kər.

Gosota-Kəmkàrje 29:27

Dəw gə́ njera nékori-kori lé To né gə́ mina̰ kəm njémeekarabasurje’g ləm, Yeḛ gə́ rəw-kabee to danasur lé To né gə́ mina̰ kəm njémeeyèrje’g ləm tɔ.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Néra Njékaḭkulaje 12:11

Loo gə́ kəm Piɛrə inja dɔ rəa’g ndá yeḛ pana: Ɓasinè ma m’gər gao, Mbaidɔmbaije ya ula kura ləa gə́ dara aree ɔrm ji Herɔdə’g ləm, gə ji Jibje gə́ d’isi to yoom ləm lé tɔ.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

1 Ja̰ 3:12

Maji kar sí n’to tana gə Kaḭ el mbata yeḛ to ka̰ njegosoyèr gə́ tɔl ŋgokea̰. See gelee ban ɓa yeḛ tɔlee ne wa. Mbata kula reaje majel nɛ ka̰ ŋgokea̰ lé ɓa to gə goo rəbee.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 24:17

Loo gə́ Dabid tɔl taje ləa gə́ yeḛ ula Sawul neelé bém ndá Sawul pana: See to ndui-i ya wa, ŋgonəm Dabid! Ndá Sawul tel ɔr ndia gə́ tar wəl gə no̰ tɔ.