Pakɔsje 36:9 - Maktub gə́ To gə Kəmee

⁹ Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Pakɔsje 36:9 ပူးပေါင်းရင်းမြစ်များ

Maktub gə́ wɔji dɔ Jɔb 29:3

Loo gə́ néndogó ləa ndogó dɔm’g ləm, Lookàr ləa ɔr nɔm dan loo gə́ ndul njudu-njudu’g ləm tɔ!

Pakɔsje 27:1

Pakɔs lə Dabid Njesigənea̰ lé to lookàr ləm ləm, gə kaji ləm ləm tɔ, Ŋga see na̰ ɓa m’a ɓəlee tɔɓəi wa. Njesigənea̰ lé to gə́ négəd rɔ dɔ’g ləm, Ŋga see na̰ ɓa m’a ndəb pəd-pəd nea̰’g wa.

Pakɔsje 65:5

Dəw gə́ i ɔr kəmee aree rəm pər gə́ rɔi’g Mba si mee gadlooje’g ləi lé Débee neelé rɔlel nai səa ya. Rɔlel lə kəi ləi gə kàr ŋgad-ŋgad lə kəi ləi gə́ to gə kəmee A kas sí nag-nag ya.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 12:3

Seḭ a toje mán gə rɔlel Mee kəm-rəw-manje gə́ wɔji dɔ kaji.

Esai 2:5

Seḭ ŋgaka Jakobje lé Gə́ reeje ar sí njaaje dan lookàr’g lə Njesigənea̰!

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Maktub gə́ Jak ula ne ar ngan-Allaje 1:17

Nénoji gə́ maji dum gə́ rara ləm, gə nékarnoji gə́ rara gə́ to maji ɔr njoroŋ ləm tɔ lé d’ḭ rɔ Bɔ lookàrje gə́ dara, yeḛ gə́ rəa ya̰ maree el ləm, loo gə́ ndul ɗig godo rəa’g ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 21:6

Tɔɓəi yeḛ ulam pana: Neḛ n’tɔlee bém. Neḛ n’to Alpa gə Omega, yeḛ gə́ dɔtar gə yeḛ gə́ rudu tɔ. Yeḛ gə́ kṵdaman tɔlee ndá n’a karee mán kəmə gə́ aḭ kəm-rəw-mán gə́ teḛ kuji-kuji lé ai, n’a karee gə́ kar ɓó yeḛ a ndogo el.

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.