Pakɔsje 36:6 - Maktub gə́ To gə Kəmee

⁶ Njesigənea̰, meemaji ləi lé taa mee dara pəl-pəl ləm, Meenda londoŋ ləi to yaa̰ aw njal teḛ loo-kil’g lə ndi ləm tɔ.

Pakɔsje 36:6 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Nehemi 9:6

I nja ɓa to Njesigənea̰, i nja kára ba kiao, I to njekunda dara gə dara gə́ to dɔ na̰’d dɔ na̰’d ləm, Gə boo-nékundaje gə́ to keneŋ ləm, Gə naŋg gə néje lai gə́ to keneŋ ləma, Gə baa-boo-kad gə néje lai gə́ to keneŋ ləm tɔ. I nja ɓa ar néje lai neelé d’aw kəmba ləm, Ar boo-nékundaje gə́ dara d’unda barmba nɔḭ’g ləm tɔ.

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 7:20

Ɓó lé m’ra kaiya ndá see ɗi ɓa m’askəm ra səi wa, i njekaa dɔ dəwje. See gelee ban ɓa i undam gə́ nékwɔji ndo̰ niŋgaje ləi Gə mba karm m’tel to nékodo gə́ wɔi dɔ rɔm’g wa.

Pakɔsje 145:9

Njesigənea̰ lé ra maji gə dəwje lai ya, Meekaw taḭ-taḭ ləa lé wɔji dɔ néreaje lai ya ləm tɔ.

Pakɔsje 147:9

Nékulje lé yeḛ ar dee nésɔ dee ləm, Loo gə́ ŋgan ga̰-ga̰je no̰ ndá Yeḛ ar dee nésɔ dee ya ləm tɔ.

Pakɔsje 31:20

Wai, meemaji ləi al dɔ loo sula! Meemaji neelé i unda kul mbata deḛ gə́ ɓəli, I riba dəa ar deḛ gə́ saŋg loo-kula-dɔ lə dee rɔi’g ləm, Aree to raga pai-pai kəm dəwje’g ləm tɔ.

Pakɔsje 71:19

Ǝi Ala, meekarabasur ləi lé aw saar teḛ mee dara’g ya, I nja to njera néje gə́ boo, Ǝi Ala, see na̰ ɓa to tana səi ɓəi wa.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Pakɔsje 92:5

Ǝi Njesigənea̰, néraije lé ar rɔm lelm yaa̰, Nérai gə́ i ra gə jii lé kara M’ɔs ne pa m’al ne rɔm ya.

Pakɔsje 97:2

Kil lə ndi gə loo gə́ ndul njudu-njudu lé D’aḭ dəa sub ləm, Meekarabasur gə néra gə́ gə dɔ najee lé ɓa To gə́ gin kalimbai ləa ləm tɔ.

Teḛ-Raga 9:28

Raje tamaji ta Njesigənea̰’g mba kar ndi gə́ ndaŋg gə ndi kwɔji lé gaŋg ndá m’a kya̰ loo kar sí awje ya ɓó dəw a kɔg sí naŋg el ŋga.

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Jeremi 12:1

Njesigənea̰, nérai gə́ gə dɔ najee dum dɔ loo Ɓó ma m’askəm maḭ səi ta el, Nɛ lé bèe kara M’a kwɔji səi ta dɔ rəwta-gaŋgje’g ləi ya: See gelee ban ɓa Rəw-kaw njémeeyèrje teḛ sə dee dan maji’g wa. See gelee ban ɓa Deḛ lai gə́ to majikojielje lé kara d’isi lɔm wa.

Nɔ̰-ndôo gə́ wɔji dɔ Jerusalem 3:23

Deḛ tel to sigi gə ndɔje kára-kára lai ya. Ǝi, i lé meekɔrjol ləi lé To né gə́ tad rəg-rəg ya.

Junas 4:11

Ŋga ma lé see m’a koo kəmtondoo lə Ninibə, ɓee-boo gə́ neelé el wa. Mbata koso-dəwje gə́ d’isi keneŋ lé d’a dum tɔl-dɔg-loo-tɔl gə dɔ dee rɔ-joo (120.000) gə́ gər dɔ jikɔl dee əsé dɔ jigel dee el ləm, nékulje gə́ keneŋ kara dum tura ləm tɔ.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

Njé gə́ Rɔmə 3:25

Jeju Kristi lé nja Ala ɔree undá ne gə́ nékinjaməs gə mba kuga ne dɔ kaiya lə deḛ gə́ d’ɔm meḛ dee dəa’g. Yee ɓa Ala ar meekarabasur ləa kila ne kɔd mbata kédé lé yeḛ un kəmee rəw dɔ kaiya’g lə dəwje gə́ ra loo kila mée’g ləa.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 7:9

Bèe ndá maji kar sí gərje gao to gə́ Ala lə sí gə́ Njesigənea̰ lé yeḛ nja to Ala gə́ gəd ya. Ginka dəwje gə́ d’undá dan kəm dee’g d’aa ne dɔ ndukunje ləa kər-kər lé, yeḛ to Ala gə́ aar njaŋg dɔ manrɔ’g ləa ləm oo kəmtondoo lə dee ləm tɔ saar loo tɔl-dɔg (1.000) ya.

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.

1 Samel 14:15

Ɓəl-boo taa loo-si dee pəl-pəl ləm, mee looje’g lai ləma, mbuna koso-dəwje’g ləm tɔ. Deḛ gə́ d’isi loo-si dee’g gə deḛ gə́ to njékaw waije lé kara ɓəl unda dee badə gaŋg dee keneŋ tɔ. Dɔ naŋg yə ɓugu-ɓugu, yee ɓa to gə́ ɓəl-boo lə Ala ya.