Pakɔsje 34:16 - Maktub gə́ To gə Kəmee

¹⁶ Kəm Njesigənea̰ lé to dɔ njémeekarabasurje’g ya, Mbia kara to tag gə mba koo ne ndu no̰ lə dee tɔ.

Pakɔsje 34:16 ပူးပေါင်းရင်းမြစ်များ

Maktub gə́ wɔji dɔ Jɔb 18:17

Dəw kára kara mée olé dəa’g el ləm, Ria kara ɓar dɔ naŋg nee el ləm tɔ.

Maktub gə́ wɔji dɔ Jɔb 36:7

Yeḛ un kəmee rəw dɔ njémeekarabasurje’g el. Yeḛ unda dee na̰’d gə mbaije dɔ kalimbaije’g ləm Yeḛ ar dee d’isi keneŋ saar gə́ no̰ mba kar dee d’iŋga ne rɔnduba ləm tɔ.

Pakɔsje 10:16

Njesigənea̰ to mbai gə́ gə ləbee-ləbee saar-saar gə no̰, Ginkoji dəwje gə raŋg gə́ to njémeeyèrje lé D’udu bo̰ mee ɓeeko̰’g ləa lé.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 33:18

Aa ooje, kəm Njesigənea̰ lé To dɔ deḛ gə́ ɓəlee’g Gə́ d’unda meḛ dee yel dɔ meemaji’g ləa

Pakɔsje 94:9

Yeḛ gə́ njera mbi dəw lé See yeḛ a koo ta el wa, Esé yeḛ gə́ njera kəm dəw lé see Yeḛ a koo loo el wa.

Gosota-Kəmkàrje 10:7

Njemeekarabasur lé meḛ dəwje olé dəa’g gə ndutɔr, Nɛ njémeeyèrje lé ndum d’oso ludu gə ri dee dɔ dee’g bura.

Gosota-Kəmkàrje 15:29

Njesigənea̰ unda rəa ɓad rɔ njémeeyèrje’g, Nɛ yeḛ oo tamaji lə njémeekarabasurje.

Njekillamber 8:10

Togə́bè ɓa m’oo njémeeyèrje gə́ dubu dee lé D’aw loo-kwa-rɔ dee’g Nɛ deḛ gə́ ra né gə goo rəbee lé D’ḭ d’aw loo gə́ to gə kəmee’g Ar deḛ gə́ mee ɓee-boo’g lé Meḛ dee wəi dɔ dee’g. Yee gə́ bèe lé kara to né gə́ gə mḭdé ba ya ɓəi.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 44:11

Gelee gə́ nee ɓa Njesigənea̰ gə́ njeboo-néje gə́ to Ala lə Israɛlje lé pa ne togə́bè pana: Aa ooje, ma m’wɔji mba ra sə sí majel ləm, gə mba tuji Judaje lai pugudu-pugudu ləm tɔ.

Ləbije 17:10

Ɓó lé dəw gə́ Israɛl kára mbuna ginkoji’g lə Israɛlje əsé mbuna dəw-dɔ-ɓeeje gə́ d’isi mbuna dee’g lé sɔ məs da gə́ rara kara ndá m’a kun kəm dɔ dəw gə́ njesɔ məs’g neelé ləm, m’a kɔree mbuna dəwje’g ləa ləm tɔ.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Amɔs 9:4

Ɓó lé d’aw gə́ ɓərje ɓee lə njéba̰je lə dee lé Ndá lé neelé ɓa n’a kun ndu neḛ Kar kiambas tɔl dee keneŋ ləm, N’a kun kəm neḛ dɔ dee’g rəw Mba ra sə dee né gə́ majel ɓó né gə́ maji ɓa el ləm tɔ.