Pakɔsje 34:12 - Maktub gə́ To gə Kəmee

¹² Ŋganəmje, maji kar sí reeje ooje ta ləm, Ma lé m’a ndoo sí loo ɓəl Njesigənea̰.

Pakɔsje 34:12 ပူးပေါင်းရင်းမြစ်များ

Gḭ-Néje 49:2

Waje dɔ na̰, lelje mbi sí, seḭ ŋgalə Jakob lé! Ooje ta lə Israɛl, bɔ síje lé!

Maktub gə́ wɔji dɔ Jɔb 33:33

Ɓó lé i oo né kára mba pa el ndá maji kari oo ta ləm! Wa tai ndá m’a ndooi kəmkàr.

Maktub gə́ wɔji dɔ Jɔb 7:7

Ǝi Ala, ar məəi olé dɔ’g to gə́ kəmə ləm tɔ asəna gə lel bèe, Kəm a tel koso dɔ si dan maji’g el ŋga.

Pakɔsje 21:4

Mbata i wa dɔ gɔl nojimeendaje tɔr ne ndui dəa’g ləm, I ula dɔgugu larlɔr gə́ àr ŋgad-ŋgad dəa’g ya ləm tɔ.

Pakɔsje 4:6

Nékinjaməs gə́ gə goo rəbee lé Maji kar sí injaje ndá Ɔmje ne meḛ sí jəb-jəb dɔ Njesigənea̰’g.

Pakɔsje 91:16

M’a kar dəa ai səgərə kar mée ndá ne kaḭ ləm, M’a karee oo kaji ləm gə kəmee nda̰-nda̰ ya ləm tɔ.

Gosota-Kəmkàrje 4:20

Ŋgonəm, tuga mbii oo ne tapamje ləm, Ur mbii gèŋ dɔ taje gə́ m’pa lé ləm tɔ.

Gosota-Kəmkàrje 7:24

Bèe ndá ɓasinè ŋganəmje, ooje ta ləm, Urje mbi sí ooje ne taje gə́ teḛ tam’g ləm tɔ.

Gosota-Kəmkàrje 9:10

Ɓəl Njesigənea̰ Ɓa gə́ gin kəmkàr gə́ dɔtar, Négər lə njémeendaje lé Ɓa gə́ gosonégər tɔ.

Njekillamber 12:13

Ar sí j’oo loo kunda ŋgaŋ néje neelé togə́bè: Ɓəl Ala ləm, aa dɔ torndiaje kər-kər ləm tɔ, yee ɓa gə́ né gə́ kəm kar dəwje lai-lai ra ya.

Njekillamber 2:3

Ma m’wɔji məəm’g njaŋg mba kula rɔm mbiriri loo-kido’g ləm, gə dan mbə’g ləm tɔ nɛ gə goo kəmkàree, saar mba gər ne né gə́ maji gə́ dəwje d’askəm ra dɔ naŋg nee mee ndɔje bula gə́ d’isi ne kəmba lé.

Njekillamber 3:13

Nɛ ɓó lé dəw sɔ gə ai al ne rəa dɔ si dan maji’g loo-kulaje’g ləa gə́ yeḛ ra lé ndá yee neelé to nénoji gə́ Ala ɓa aree ya.

Tel tura Godndu 30:20

gə mba kar sí undaje ne Ala lə sí gə́ Njesigənea̰ dan kəm sí’g ləm, gə mba kar sí tədje ne kag torndia ləma, gə mba kar sí naije ne səa ləm tɔ, mbata yee ɓa to gin kisi kəmba lə sí ləm, to gin kar ndɔje lə sí d’a koso ne dɔ maree’g ləm tɔ, togə́bè ɓa seḭ a kisije ne mee ɓee gə́ Njesigənea̰ man ne rəa gə mba kar bɔ síje-je, Abrakam gə Isaak gə Jakob tɔ.

Tel tura Godndu 6:2

gə mba kar sí ɓəlje ne Ala lə sí gə́ Njesigənea̰ ləm, aaje ne godndiaje gə torndiaje lai gə́ m’un ne ndum m’ar sí lé, seḭ a kaaje dɔ dee gə ndɔje lai gə́ seḭ awje ne kəmba, seḭ ləm gə ŋgan síje gə ŋgaka síje ləm tɔ gə mba kar kuru ndɔje lə sí a kḭ ne dɔ maree’d gə́ kédé-kédé ya.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.