Pakɔsje 33:9 - Maktub gə́ To gə Kəmee

⁹ Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Pakɔsje 33:9 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Gḭ-Néje 1:3

Ala pana: Maji kar loo àr! Ndá loo àr ya tɔ.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 93:5

Ndukunje ləi lé to kankəmta ya Ɓó loo maḭyee godo, Ǝi Njesigənea̰, némeenda kɔr jol-jol to gə́ mee kəi’g ləi lé ya Gə ləbee-ləbee saar-saar gə no̰ ya.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 11:3

Meekun lé ɓa jeḛ j’oo to gə́ tapa Ala ɓa yeḛ unda ne naŋg nee ar néje gə́ jeḛ j’oo gə kəm sí el lé Ala mbo̰ dee unda ne néje gə́ jeḛ j’oo gə kəm sí.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.