Pakɔsje 33:7 - Maktub gə́ To gə Kəmee

⁷ Baa-boo-kad lé Yeḛ daa manee dɔ na̰’d na̰’d ləm, Ɓul manje lé Yeḛ ŋgəm dee ɓuleeje’g ləm tɔ.

Pakɔsje 33:7 ပူးပေါင်းရင်းမြစ်များ

Maktub gə́ wɔji dɔ Jɔb 26:10

Yeḛ inja ŋgaŋ loo dɔ manje’g Aree to gə́ rəw-nim gə́ to mbuna loondul gə lookàr’g bèe.

Pakɔsje 78:13

Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Teḛ-Raga 15:8

Gə goo kəmə gə́ teḛ əmi’g lé Man wa ne dɔ na̰ ko̰-ko̰ ləm, Man gə́ ula lé kara aar ne tar Asəna gə ndògo-bɔrɔ bèe ləm tɔ. Paŋgəm mán tel to né gə́ kədərə kaw-kaw dan mán baa-boo’g ya.

Gosota-Kəmkàrje 8:29

Loo gə́ yeḛ wɔji rəw-nim lə baa-boo-kad Aree gə mba kar manje d’al dɔ koŋgee el ləma, Loo gə́ yeḛ tum ne gin naŋg nee ləm tɔ lé

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Habakuk 3:15

I tuba baa-boo-kad gə gɔl kundaje ləi Ar manee tal bam-bam.

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.