Pakɔsje 33:6 - Maktub gə́ To gə Kəmee

⁶ Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 33:6 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Gḭ-Néje 1:6

Ala pana: Maji kar pən-loo to tag mbuna manje’g gə mba kai manje ɓəd-ɓəd.

Gḭ-Néje 2:1

Bèe ɓa Ala ra dara ləm gə naŋg nee ləma gə boo-néje lai gə́ to keneŋ lé, tɔl dee bém ya.

Gḭ-Néje 2:7

Njesigənea̰ Ala ra dəw gə nduji naŋg. Yeḛ tó kəmə gə́ ka̰ si kəmba rəw əmee’g ndá dəw lé tel to dəw gə́ si kəmba ya.

Gḭ-Néje 6:7

Njesigənea̰ pa pana: M’a tuji dəw gə́ m’undá dɔ naŋg neelé karee udu, un kudee dɔ dəw’g saar teḛ ne dɔ nékulje’g ləm, gə daje gə́ d’ag naŋg gə ta mee dee ləma, gə yelje gə́ d’aw pə̰ dara’d gə́ tar ləm tɔ mbata ma m’ndiŋga rɔm dɔ kunda gə́ ma m’unda dee lé.

Maktub gə́ wɔji dɔ Jɔb 26:13

Kila kəmə pugudu ləa ar dara àr ŋgad-ŋgad ləm, Jia ɔs li gə́ njekaḭ mbudu ləm tɔ.

Maktub gə́ wɔji dɔ Jɔb 33:4

Ndil Ala ɓa undam, Kəmə lə Bao-siŋgamoŋ ɓa am m’isi ne kəmba ya.

Pakɔsje 104:30

Kṵji tai gə́ i tó pu lé i unda dee ne ləm, Néje gə́ dɔ naŋg nee tel to ne sigi gə́ kédé-kédé ləm tɔ.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Tagə́maji gə́ Ja̰ ndang 20:22

Loo gə́ yeḛ pa togə́bè mba̰ ndá yeḛ ila kəmə dɔ dee’g pugudu ula dee pana: Maji lar sí taaje Ndilmeenda gə meḛ sí rəgm.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.

Ǝbrəje 11:3

Meekun lé ɓa jeḛ j’oo to gə́ tapa Ala ɓa yeḛ unda ne naŋg nee ar néje gə́ jeḛ j’oo gə kəm sí el lé Ala mbo̰ dee unda ne néje gə́ jeḛ j’oo gə kəm sí.

2 Piɛrə 3:5

Tɔgərɔ ya, ləw ba ta gə́ Ala pa gə təa ya ar dara to ne ləm, naŋg kara ḭ ne dan mán’g gə aar dan mán’g ləma,